গুৱাহাটীত ইলেক্ট্ৰনিক আৱৰ্জনা নিষ্কাশনৰ পদক্ষেপ
তথ্য প্ৰযুক্তি ক্ষেত্ৰৰ দ্ৰুত বিকাশৰ ফলত সৃষ্টি হোৱা বৃহৎ পৰিমাণৰ ইলেক্ট্ৰনিক আৱৰ্জনা সংগ্ৰহ আৰু যথোপযুক্তভাৱে নিষ্কাশন কৰাৰ বাবে গুৱাহাটী স্থিত ৰংজেং টেকন’লজিছে উদ্যোগ গ্ৰহণ কৰিছে।
আন্তঃৰাষ্ট্ৰীয় বানিজ্য সংস্থাৰ অধীনত প্ৰতিষ্ঠানটোৱে উত্তৰ-পূবৰ আঠখন ৰাজ্যত ইলেক্ট্ৰনিক আৱৰ্জনা ব্যৱস্থাপনাৰ এক পৰিবেশ সৃষ্টিৰ বাবে কাম কৰি আছে।
প্ৰতিষ্ঠানটোৱে ‘কৰো সম্ভৱ’ নামৰ এক ৰাষ্ট্ৰীয় সংস্থাৰ সৈতে লগ হৈ পৰিবেশৰ ওপৰত কোনোধৰণৰ ক্ষতি নকৰাকৈ ইলেক্ট্ৰনিক আৱৰ্জনা পৰিষ্কাৰ কৰিব।
ইলেক্ট্ৰনিক আৱৰ্জনা (ব্যৱস্থাপনা) নীতি ২০১৬ অনুসৰি শনিবাৰে গুৱাহাটীত এক সজাগতামূলক অনুষ্ঠান আয়োজন কৰা হয়। অনুষ্ঠানটোত ইলেক্ট্ৰনিক আৱৰ্জনা ব্যৱস্থাপনাৰ লগতে ইয়াৰ ন্যায়িক দিশ সমূহৰ ওপৰত আলোকপাত কৰা হয় বুলি এগৰাকী বিষয়াই সদৰী কৰে।
অনুষ্ঠানটোত গ্ৰাহকৰ সুবিধাৰ্থে এটা হেল্পলাইন নম্বৰ (৯৭০৬৫৪২০১৬) মুকলি কৰা হয়।