জিৰ’ পইণ্ট বিবাদৰ বাবে স্তব্ধ অসম-মেঘালয়ৰ সীমা জৰীপ

জিৰ’ পইণ্ট বিবাদৰ ফলত ঢোলচেৰা-ফাইছেন এলেকাত অসম আৰু মেঘালয়ৰ দ্বাৰা আৰম্ভ কৰা যুটীয়া জৰীপ কাৰ্য বন্ধ কৰি দিবলগীয়া হৈছে বুলি জানিব পৰা গৈছে। সিদ্ধান্ত মৰ্মে জিৰ’ পইণ্টৰ বিষয়ত সংশ্লিষ্ট কৰ্তৃপক্ষৰ সৈতে আলোচনাৰ পাছত পুনৰাই জৰীপ আৰ্মভ কৰা হ’ব।

দুইখন চুবুৰীয়া ৰাজ্যৰ মাজৰ সীমা বিবাদ নিষ্পত্তি কৰাৰ বাবে ৯ এপ্ৰিলত কাচাৰৰ ঢোলাইত এখন যুটীয়া আলোচনাচক্ৰৰ আয়োজন কৰা হৈছিল। উক্ত সভাত দুয়োখন ৰাজ্যৰ বন বিষয়া, স্থানীয় প্ৰশাসন আৰু আৰক্ষীৰ বিষয়াসকল উপস্থিত আছিল।ইয়াতেই যৌথ জৰীপৰ সিদ্ধান্ত গ্ৰহণ কৰা হৈছিল।

দুই ৰাজ্যৰ প্ৰতিনিধিসকলৰ উপস্থিতিত ১২ আৰু ১৩ এপ্ৰিলত কচুৰতল এলেকাত সুকলমে জৰীপ সম্পন্ন কৰা হৈছিল।বুধবাৰে হাইলাকান্দিৰ ডি এফ অ’ নাজমুল হুছেইন মজুমদাৰ আৰু কোলাছিবৰ (মিজোৰাম)ডি এফ অ’ লালনুন জিৰা আৰু আগুৱাই জৰীপ কৰাৰ বাবে ঢোলচেৰা এলেকাত আহি উপস্থিত হয়। তেতিয়াই মিজোৰামৰ প্ৰতিনিধিসকলে ফাইছেনত অবস্থিত সীমাৰ খুটি এটা জিৰ’ পইণ্টত অন্তৰ্ভুক্ত কৰাৰ বাবে জোৰ দিয়ে। নাজমুল হুছেইনে এই প্ৰস্তাৱৰ বিৰোধিতা কৰে।

হুছেইনে যুক্তি দৰ্শায় যে ফাইছেন যিহেতু অসমৰ ভিতৰুৱা ইয়াক জিৰ’ পইণ্ট হিচাপে ধৰিব পৰা নাযায়। নথিৰ সহায়ত তেওঁ দেখুৱাই ৰমজানি নালাৰ সিপাৰে ১০ কিলোমিটাৰ দূৰত অসম-মিজোৰাম সীমা বুলি দাবী কৰে।

যদিওবা হুছেইনে ফাইছেনৰ খুটিক জিৰ’ পইণ্ট বুলি ধৰিবলৈ সম্পূৰ্ণ অমান্তি হোৱা নাছিল, মিজোৰামৰ প্ৰতিনিধিসকলে ফাইছেনৰ পৰা ২ কি:মি: উজনি আৰু নামনিলৈ জিৰ’ পইণ্ট হিচাপে ধৰিবলৈ কৌতুহল প্ৰকাশ কৰাত বিবাদৰ উৎপত্তি হয়।

উল্লেখ্য জিৰ’ পইণ্ট হিচাপে ধৰিবলৈ ফাইছেন এলেকাত  নতুনকৈ খুটি পোতা হৈছে, যাৰ বাবে ডি এফ অ’ মজুমদাৰ আৰু অন্যসকল সন্দেহপ্ৰৱণ হৈছে।