ডিব্ৰুগড়ৰ জয়পুৰত আলফা (স্বা)ৰ যোগাযোগ ৰক্ষাকাৰী বুলি এজন লোকক আটক সেনা, আৰক্ষীৰ
ডিব্ৰুগড়ৰ জয়পুৰত বুধবাৰে ৰাতি ৯ম ৰাজপুতনা ৰাইফলছ আৰু অসম আৰক্ষীয়ে আলফা (স্বা)ৰ যোগাযোগ ৰক্ষাকাৰী বুলি এজন লোকক আটক কৰিছে।
আটকাধীন লোকজন নামৰূপ চামগুৰিতাইৰ বাসিন্দা মঃ চামচুল শ্বেখ (৩৪ বছৰীয়া)।
সেনাৰ সূত্ৰই জনায়, ‘আলফা (স্বা)ৰ যোগাযোগ ৰক্ষাকাৰী এজনৰ উপস্থিতিৰ নিৰ্দিষ্ট খবৰৰ আধাৰত যুটীয়া অভিযান চলাই বন্ধুৰ ঘৰ পৰা আহি থকা অৱস্থাত বালিমাৰাত আমি তেওঁক আটক কৰিবলৈ সক্ষম হওঁ।’
আটক কৰা লোকজনক অধিক জেৰাৰ বাবে জয়্পুৰ আৰক্ষী থানাক গতোৱা হৈছে। তেওঁৰ বিৰুদ্ধে থানাখনত এটা গোচৰ ৰুজু কৰা হৈছে।
নিৰাপত্তা বাহিনীয়ে বোলে তেওঁৰ হাতৰ ধন দাবী পত্ৰ পাইছে।
সূত্ৰটোৱে দাবী কৰে যে যোৱা দুটা মাহত বলপূৰ্বক ধন সংগ্ৰহৰ বাবে আলফা (স্বা)এ সম্ভৱপৰ সকলো চেষ্টা চলাইছে যদিও নিৰাপত্তা বাহিনীৰ সময়োপযোগী ব্যৱস্থাৰ বাবে তেওঁলোক বিফল হ’ব লগাত পৰিছে।
আৰক্ষী সূত্ৰই জনায়, ‘বিমুদ্ৰাকৰণৰ পিছত বিদ্ৰোহী দলতো বেয়াকৈ ক্ষতিগ্ৰস্ত হৈছে আৰু এতিয়া তেওঁলোকে যি কৰি হ’লেও নিজৰ উপস্থিতি অনুভৱ কৰাব খুজিছে যি উদ্যোগ সমূহৰ পৰা ধন সংগ্ৰহ কৰাৰ ক্ষেত্ৰত তেওঁলোকক সহায় কৰে।’