২০ অভাৰত ৪১৭ ৰান, ৪৭টা ছয়! ক্ৰিকেটক ভিডিঅ’ গেমত পৰিণত কৰিলে ইংলেণ্ডৰ ক্লাবে

ক্ৰিকেট নে ভিডিঅ’ গেম! খেলখনৰ স্ক’ৰ শুনিলেই এই প্ৰশ্নটো স্বাভাৱিকতে মনলৈ আহিব। ২০ অভাৰত ৪১৭ ৰান। ৪৭টা ছয়। মেচখনত মুঠ ৬৬ টা। আগতে কেতিয়াও এনেকুৱা হোৱা নাই। আন্তঃৰাষ্ট্ৰীয় টি-২০ ক্ৰিকেটত এতিয়ালৈকে কোনো দলে ৩০০ ৰানৰ সীমা অতিক্ৰম কৰিব পৰা নাই।

কিন্তু পুৰণি চেলটেনহাম প্ৰিমিয়াৰ টি-২০ত এনে এক অদ্ভুত কাণ্ড দেখা গ’ল। খেলখন ইংলেণ্ডৰ ডাম্বলটন ক্ৰিকেট ক্লাব আৰু হেথাৰলি এণ্ড ৰেডিংছ চি চিৰ মাজত অনুষ্ঠিত হৈছিল। মঙলবাৰে ডাম্বলটনে ১৮৮ ৰানত জয়লাভ কৰে।

মেচখনৰ স্ক’ৰকাৰ্ডলৈ চালে ইয়াক ক্ৰিকেট খেলতকৈ ভিডিঅ’ গেম যেনহে দেখা যায়। এয়াও সম্ভৱ! এখন মেচত ৬৪৬ ৰান। যি শ্ৰেণীৰেই নহওক কিয়। ক্ৰিকেট অনুৰাগীৰ চকু কপালত তুলিছে।

ডাম্বলটনৰ এজন বেটছমেনে দ্বিশতক অৰ্জন কৰে। তাকো মাত্ৰ ৫৪টা বলত। ইংলেণ্ডৰ ক্লাব দলটোৱে ৪৭টা ছয় মাৰে। অ’পেনাৰ দুগৰাকী থমাছ কেলি আৰু ইৱান গেজে এক সুন্দৰ আৰম্ভণি কৰে। এই যুটিটোৱে ৬.১ অভাৰত ১১২ ৰান সংযোজন কৰে।

২৫ বলত ৬৪ ৰান সংগ্ৰহ কৰি আউট হয় কেলি। তাৰ পিছত গেগে দায়িত্ব নিজৰ কান্ধত তুলি লয়। তেওঁ ৫৫টা বলত ২০৬ ৰান কৰি অপৰাজিত হৈ থাকে। এই ইনিংছটোত আছিল ১৩টা চাৰি আৰু ২৩টা ছয়।

সপ্তম অভাৰত নামি ডেন হলণ্ডে শতক অৰ্জন কৰে। তেওঁ ৩৭টা বলত ১২২ ৰান সংগ্ৰহ কৰে। মাত্ৰ ৪১ মিনিটৰ বাবে তেওঁ ক্ৰীজত আছিল। তেওঁ ৪টা চাৰি আৰু ১৬টা ছয় মাৰে। দ্বিতীয় উইকেটৰ বাবে গেজ আৰু হলণ্ডে ৫৯টা বলত ২১১ ৰান সংগ্ৰহ কৰে।

দ্বিতীয় উইকেটটো আউট হোৱাৰ সময়ত ডাম্বলটনে ৪০০ ৰানৰ সীমা অতিক্ৰম কৰা নাছিল। শেষৰ অভাৰৰ দায়িত্ব লয় গেইজে। ২৪টা বলৰ ভিতৰত ১৯টা বলত নিজেই ষ্ট্ৰাইক লয়। তেওঁ দলটোক ৪০০ ৰানলৈ লৈ যায়। ৪১৭ ৰানৰ ভিতৰত ৩৭০ ৰান বাউণ্ডেৰী আৰু অভাৰ বাউণ্ডাৰীতে আহে। ইয়াৰ ভিতৰত আছিল ২২টা চাৰি আৰু ৪৭টা ছয়।

হেথাৰলি এণ্ড ৰেডিংছ চি চিয়ে আৰম্ভণিৰে পৰাই টাৰ্গেটৰ পিছত দৌৰি আক্ৰমণাত্মক ক্ৰিকেট খেলিছিল। প্ৰয়োজনীয় ৰান ৰেট আৰম্ভণিৰে পৰা ২০ ৰাণতকৈ অধিক আছিল। কিন্তু এই পাহাৰ সদৃশ স্ক’ৰ কৰাটো কেতিয়াও সম্ভৱ নাছিল। তেওঁলোক ২২৯ ৰানত অল আউট হৈছিল।

অ’পেনাৰ হেৰী ব্লুমফিল্ডছে ৪৮টা বলত ১০৯ ৰান সংগ্ৰহ কৰে। তেওঁৰ ইনিংছত আছিল ৬টা চাৰি আৰু ১২টা ছয়। হেথাৰলিয়ে ১৯টা ছয় মাৰে। দুয়োটা দলৰ মুঠ ছয়ৰ সংখ্যা ৬৬টা। মেচখনৰ শেষ উইকেটটো দ্বিশতক অৰ্জন কৰা গেজে দখল কৰে। ডাম্বলটনে ১৮৮ ৰানত জয়লাভ কৰে। কিন্তু এই মেচখনৰ স্ক’ৰব’ৰ্ডে টি-২০ ক্ৰিকেটৰ ইতিহাসত এক বিৰল অভিলেখ সৃষ্টি কৰিলে।