তিনিচুকীয়াৰ লক্ষীপথাৰত ৰাজপুটনা ৰাইফলছৰ চিকিৎসা শিবিৰ আয়োজন
সদ্ভাৱনা কাৰ্যসূচীৰ অন্তৰ্গত দাও ডিভিজনৰ ৩০২ ফিল্ড হস্পিটেলৰ সহযোগত বুধবাৰে লাইপুলি ব্ৰিগেদৰ ৯ নং ৰাজপুটনা ৰাইফলছ বেটেলিয়নে তিনিচুকীয়া জিলাৰ লক্ষীপথাৰৰ সমিপৰ কাছমাৰি গাঁৱত এক বিনামূলীয়া চিকিৎসা শিবিৰৰ আয়োজন কৰে।
চিকিৎসা শিবিৰটোত মূঠ ৮ গৰাকী চিকিৎসকে মহিলা, শিশু আৰু বৃদ্ধকে ধৰি সকলো বয়সৰ উপস্থিত লোকসকলক চিকিৎসা সেৱাৰ লগতে পৰামৰ্শ আগবঢ়াই। ৮ গৰাকী চিকিৎসকৰ ভিতৰত ভাৰতীয় সেনাৰ দুগৰাকী চিকিৎসা বিষয়াৰ লগতে দুগৰাকী নেত্ৰ বিশেষজ্ঞ, দুগৰাকী ই এন টি বিশেষজ্ঞ আৰু অসম চিকিৎসা মহাবিদ্যালয়ৰ দুগৰাকী ঔষধ বিশেষজ্ঞই চিকিৎসা শিবিৰটোলৈ অহা লোকসকলক সেৱা আগবঢ়াই।
সফলতাৰে আয়োজন হৈ যোৱা চিকিৎসা শিবিৰটোত অঞ্চলটোৰ প্ৰায় ৭০০ গৰাকী লোকে বিনামূলীয়া ঔষধৰ লগতে চিকিৎসা বিশেষজ্ঞ সকলৰ পৰা স্বাস্থ্য সম্পৰ্কীয় বিভিন্ন পৰামৰ্শ লাভ কৰে।
লক্ষীপথাৰৰ সমীপৰ কাছমাৰি গাঁৱৰ দৰে এক ভিতৰুৱা অঞ্চলত উক্ত চিকিৎসা শিবিৰটো আয়োজন কৰি অঞ্চলটোত চিকিৎসা সেৱা প্ৰদান কৰাৰ বাবে স্থানীয় লোকে ৰাজপুটনা ৰাইফলছৰ শলাগ লয়।
You may also like
গোটেই দেশতে এন আৰ চি উন্নীতকৰণৰ পোষকতা মুখ্য মন্ত্ৰী সোণোৱালৰ (ভিডিঅ’ আছে)
আজি নতুন দিল্লীত কনষ্টিটিউশ্যন হলত ৰামভাও মালগি প্ৰবোধিনী নামৰ এটা স্বেচ্ছাসেৱী সংস্থাই পতা এন আৰ চি সম্পৰ্কীয় এখন সভাত অসমৰ মুখ্য মন্ত্ৰী…
গণৰাজ্য দিৱসৰ মুখ্য অতিথি হ’ব বৃটেইনৰ প্ৰধান মন্ত্ৰী বৰিছ জনছন
ক’ৰ’না মহামাৰীত পৰিণত হোৱা ২০২০ বছৰটো কেইদিনমানৰ ভিতৰতে শেষ হ’ব যদিও চৌদিশে ক’ৰ’নাৰ প্ৰভাৱ কিন্তু এতিয়াও চলিয়েই আছে। মহামাৰীৰ মাজতেই ৰাজধানী চহৰ…
অবিশ্বাস্য যেন লাগিলেও সঁচা: বিয়াৰ যৌতুকত ধনৰ সলনি ইয়াত দিয়া হয় ২১ডাল বিষধৰ সাপ
যদিও আইনমতে ই এক অপৰাধ, বিয়াৰ সময়ত যৌতুক দিয়া প্ৰথা বহু পূৰ্বৰে পৰা ভাৰতীয় সমাজত প্ৰচলিত। আনকি, এতিয়াও সমাজত এই প্ৰথা প্ৰচলিত…
লাংটিঙত অগপ-কংগ্ৰেছত খহনীয়া, সহস্ৰাধিক নেতা কৰ্মীৰ বিজেপিত যোগদান
লোকসভা নিৰ্বাচনৰ দিন কাষ চাপি অহাৰ লগে লগে পাহাৰীয়া ডিমা হাচাও জিলাত অগপ আৰু কংগ্ৰেছ শিবিৰত খহনীয়া আৰম্ভ হৈছে। যোৱা কেইবা দিন…