তৃণমূল পৰ্যায়ত জনগণৰ কল্যাণ সাধন কৰিবলৈ পঞ্চায়ত সমূহলৈ আহ্বান ছিকিমৰ মুখ্য মন্ত্ৰীৰ
তৃণমূল পৰ্যায়ত সকলো লোকৰে আশা-আকাংক্ষাসমূহ পূৰণ কৰিবলৈ ছিকিমৰ মুখ্য মন্ত্ৰী পবন ছামলিঙে ৰাজ্যখনৰ সকলো পঞ্চায়তলৈ আহ্বান জনাইছে। তেওঁ পঞ্চায়তসমূহক চৰকাৰৰ সকলো কাৰ্যসূচী নিষ্ঠাৰে জনসাধাৰণৰ কল্যাণত অহাকৈ বাস্তৱায়িত কৰাৰ বাবে আহ্বান জনায়।
মুখ্য মন্ত্ৰী ছামলিঙে গ্ৰাম্য আৰু নগৰাঞ্চলৰ স্থানীয় প্ৰশাসনিক গোটসমূহৰ ৰাজ্যিক পৰ্যায়ৰ সন্মিলনত মুখ্য অতিথি হিচাপে উপস্থিত থাকি এইদৰে কয়।
ভাষণত মুখ্য মন্ত্ৰীগৰীকীয়ে কয় যে পঞ্চায়তসমূহ হৈছে ৰাজ্য চৰকাৰৰ নীতি আৰু কাৰ্যসূচীসমূহ বলৱৎ কৰা প্ৰধান গোট। পঞ্চায়তৰাজ ব্যৱস্থাই দেশত গণতন্ত্ৰ বজাই ৰাখে।
মুখ্য মন্ত্ৰীয়ে চৰকাৰৰ অব্যৱহৃত ভূমি ভূমিহীন স্থানীয় লোকৰ মাজত আবণ্টন কৰাৰ বাবে নিৰ্দেশ দিয়ে। তেওঁ আৰু কয় যে যদিহে এই ভূমিসমূহ পৰ্যাপ্ত নহয়, তেন্তে চৰকাৰী নিৰিখত ব্যক্তিগত ভূমি ক্ৰয় কৰি সেই ভূমিত পঞ্চায়ত আৰু বিধায়কসকলে ভূমিহীন লোকৰ বাবে গৃহ নিৰ্মাণ কৰাৰ বাবে নিৰ্দেশ দিয়ে।
তেওঁ আৰু কয় যে ৩২ দিনীয়াৰ ৰাজ্যিক ভ্ৰমণৰ অন্তত তেওঁ বিভিন্ন কামৰ বাবে ১০০০ কোটি টকা মোকোলাই দিছে। তেওঁ আৰু কৈছে যে পঞ্চায়ত পৰ্যায়ত ২ কোটি টকা পৰ্যন্ত কামৰ নিবিনা আহ্বান কৰা হ’ব।
আৰএমডিডি মন্ত্ৰী এছবি সুৱেদীয়ে পঞ্চায়তসমূহে ৰাইজৰ কল্যাণৰ বাবে কৰা কামৰ বাবে সেইবোৰৰ প্ৰশংসা কৰে।
আৰএমডিডি সচিব ডিআৰ নেপালে পঞ্চায়ত আৰু নগৰৰ স্থানীয় প্ৰশাসনিক গোটসমূহৰ উন্নয়নৰ শেহতীয়া প্ৰতিৱেদন চমু বিৱৰণ ডাঙি ধৰে।