ত্ৰিপুৰাত কৃষ্ণাপুৰ গাঁৱত পথ দুৰ্ঘটনাত ৪ জনৰ মৃত্যু

আজি সন্ধিয়া কৃষ্ণাপুৰ গাঁৱত এখন বলেৰ’ পিকভান আৰু এখন অটোৰ মাজত মুখামুখি সংঘৰ্ষৰ ফলত এক শোকাৱহ পথ দুৰ্ঘটনা সংঘটিত হয়।

টি আৰ ০৫ এ ১৫৯৮ নম্বৰৰ বলেৰ’ আৰু টি আৰ ০৫২৬৯৫ নম্বৰৰ অটোখনৰ মুখামুখি সংঘৰ্ষৰ ফলত সংঘটিত শোকাৱহ দুৰ্ঘটনাটোত দুটি শিশুসহ ৪ জনৰ দুৰ্ঘটনাস্থলীতে মৃত্যু হোৱাৰ উপৰি দুটি শিশু গুৰুত্বপূৰ্ণভাৱে আহত হয় বুলি জানিব পৰা গৈছে। ইফালে এই শোকাৱহ দুৰ্ঘটনাটোত স্থানীয় ৰাইজে শোক প্ৰকাশ কৰিছে।

পথ দুৰ্ঘটনাটোত নিহত ব্যক্তি কেইজন ক্ৰমে ছালমা বেগম (৩০), নাজিমা মামানম (৪), খাতুন বিবি (২৫), ছবিয়া মনিয়াম (৬) বুলি চিনাক্ত কৰা হৈছে।

আনহাতে দুৰ্ঘটনাটোত গুৰুতৰভাৱে আঘাতপ্ৰাপ্ত ছাজন বেগম আৰু আজিজ উদ্দিনক ধৰ্মনগৰ চিকিৎসালয়ত ভৰ্তি কৰোৱা হয় যদিও পিছত উন্নত চিকিৎসাৰ বাবে আগৰতলালৈ প্ৰেৰণ কৰে বুলি জানিব পৰা গৈছে।