নিজে সজা চিতাত জাপ দি গহপুৰত কলেজ শিক্ষকৰ আত্মহত্যা

গহপুৰৰ কলাবাৰী কলেজৰ এগৰাকী অধ্যাপিকাই মঙলবাৰে আত্মহত্যা কৰাৰ ঘটনাত ৰহস্যৰ সৃষ্টি হৈছে। বাতৰি অনুসৰি গহপুৰৰ হাৱাজানত এই ঘটনা সংঘটিত হৈছে। কলাবাৰী কলেজৰ ৰাজনৈতিক বিজ্ঞানৰ এগৰাকী অধ্যাপিকা ময়ূৰী কাকতিয়ে হাৱাজনৰ তেওঁৰ ঘৰৰ চৌহদতে গাত জুই লগাই নিজেই সজা চিতাত জাপ দি আত্মহত্যা কৰে।

স্থানীয় লোকে জানিব দিয়া মতে অধ্যাপিকাগৰাকীয়ে তেওঁৰ হাৱাজানৰ ঘৰটোত অকলে বাস কৰিছিল। তেওঁৰ পিতৃ-মাতৃ আৰু চিকিৎসক ভাতৃ বিশ্বনাথ চাৰিআলিৰ ঘৰত বাস কৰে।

সোমবাৰে তেওঁ তেওঁলোকৰ বিশ্বনাথ চাৰিআলিত থকা ঘৰলৈ গৈ পিতৃ-মাতৃ তথা ভাতৃক সাক্ষাৎ কৰি আহিছিল। স্থানীয় লোকৰ মতে ময়ূৰীৰ কিছুমান বিষয়ক লৈ তেওঁৰ পৰিয়ালৰ লোকৰ সৈতে কথা কটাকটি হৈছিল। তেওঁ পিছদিনা হাৱাজানৰ ঘৰলৈ উভতি আহিছিল আৰু তেওঁক অসন্তুষ্ট যেন দেখা গৈছিল।

জানিব পৰা মতে ময়ূৰীয়ে তেওঁৰ ঘৰৰ পিছফালে এখন চিতা সাজিছিল আৰু তাত জাপ দিয়াৰ আগতে গাত জুই লগাইছিল। সহায় বিচাৰি তেওঁ কৰা চিঞৰ শুনি স্থানীয় লোক আহি তেওঁৰ ঘৰত ভৰি পৰিছিল। তেওঁক ততাতয়াকৈ ধলপুৰলৈ লৈ যোৱা হয় আৰু তাৰপৰা তেওঁক গুৱাহাটী চিকিৎসা মহাবিদ্যালয় হাস্পাতললৈ নিয়া হয়। কিন্তু জিএমচিএইচতে তেওঁ শেষ নিশ্বাস ত্যাগ কৰে।

গহপুৰৰ মহকুমা আৰক্ষী বিষয়া তিলক দাসে নৰ্থইষ্ট নাওক কয় যে এই বিষয়ত এতিয়ালৈকে কোনো এজাহাৰ দাখিল কৰা হোৱা নাই।