প্ৰধানমন্ত্ৰী গ্ৰাম চড়ক যোজনাৰ অধীনত শুকুৰবাৰে তিনিটা পথৰ আধাৰশিলা স্থাপন থাওৰাৰ বিধায়কৰ

ৰঙৰ উৎসৱ ফাকুৱাৰ দিনা প্ৰধানমন্ত্ৰী গ্ৰাম চড়ক যোজনাৰ অধীনত নিৰ্মাণ হ’বলগীয়া থাওৰা সমষ্টিৰ অন্তৰ্গত তিনিটাকৈ গুৰুত্বপূৰ্ণ পথৰ

আধাৰশিলা স্থাপন কৰে বিধায়ক কুশল দুৱৰীয়ে।

পথকেইটা হ’ল ফৰ্মুঠিয়া গাঁৱৰ পৰা কোঁৱৰ গাঁও সংযোগী  পথ (দৈৰ্ঘ্য ২.৭৩ কি.মি.), চেপন চূণপূৰা পথৰ পৰা কুকুৰাচোৱা গাঁও সংযোগী পথ (দৈৰ্ঘ্য ০.৫৯ কি.মি.) আৰু গাৰো বস্তি মহিলা আলি পথ (দৈৰ্ঘ্য ১.৭৩ কি.মি.)।

পৃথকে পৃথকে আধাৰশিলা স্থাপন কৰা অনুষ্ঠানকেইটাত ভাৰতীয় জনতা পাৰ্টিৰ শিৱসাগৰ জিলাৰ সভাপতি ভবেন্দ্ৰ নাথ মহন, ৰাজ্যিক মহিলা মৰ্চাৰ কোষাধ্যক্ষা দীপিকা কাকতি দুৱৰী, ডিমৌ মণ্ডলৰ সভাপতি নৱৰঞ্জন মহন, ডিমৌ অনুসূচিত জাতি মৰ্চাৰ সভাপতি ৰমেন দাস, ডিমৌ সংমণ্ডলৰ

অভিযন্তা শ্ৰীবিকাশ বৰা, কনিষ্ঠ অভিযন্তা নিৰঞ্জন চলিহা, দলীয় কার্যকৰ্তাৰ লগতে স্থানীয় শতাধিক ৰাইজ উপস্থিত আছিল।