বজালীত দুদিনীয়া কাৰ্যসূচীৰে অৱসৰপ্ৰাপ্ত শিক্ষক-কৰ্মচাৰী সন্থাৰ ষষ্ঠ বাৰ্ষিক অদিৱেশন

অহা ২৩ ডিচেম্বৰৰ পৰা পাঠশালা বজালী উচ্চতৰ মাধমিক বিদ্যালয়ত বজালী জিলা সমিতিৰ উদ্যোগত অসম ৰাজ্যিক প্ৰাদেশীকৃত বিদ্যালয়ৰ অৱসৰপ্ৰাপ্ত শিক্ষক-কৰ্মচাৰী সন্থাৰ ষষ্ঠ বাৰ্ষিক অধিবেশন দুদিনীয়াকৈ আয়োজন কৰা হৈছে। পাঠশালাৰ বজালী উচ্চতৰ মাধ্যমিক বিদ্যালয় প্ৰাংগণত দুদিনীয়া কাৰ্যসূচীৰে অনুষ্ঠিত্য হ’ব লগীয়া অধিবেশন খনত প্ৰতিখন জিলাৰ পৰা কমেও ১০ গৰাকী প্ৰতিনিধিক ২৩ ডিচেম্বৰৰ আবেলি ৪ বজাৰ আগতে উপস্থিত হ’বলৈ সভাপতি কীৰ্তি কুমাৰ কুমাৰ শৰ্মা আৰু সম্পাদক প্ৰধান নবীন শইকীয়াই এক প্ৰেছ বিবৃতি যোগে আহ্বান জনাইছে। ২৩ ডিচেম্বৰৰ বিয়লি ৪ বজাত প্ৰতিনিধিৰ শিবিৰ মুকলি কৰি ৫ বজাত বন্তি প্ৰজ্বলনৰ পিছতে ৰাজ্যিক কাৰ্যনিৰ্বাহকৰ বৈঠক আৰু ৭ বজাত প্ৰতিনিধি সভা অনুষ্ঠিত কৰা হ’ব বুলি জানিবলৈ দিয়ে অৱসৰপ্ৰাপ্ত শিক্ষক কৰ্মচাৰী সংস্থাৰ বিষয়ববীয়া বংশীধৰ কলিতাই। ২৪ ডিচেম্বৰৰ পুৱা সংস্থাৰ পতাকা উত্তোলন, স্মৃতি তৰ্পণ, বৃক্ষৰোপন, মাংগলিক গীত পৰিৱেশন আৰু ১০-৩০ বজাত মুকলি সভা অনুষ্ঠিত কৰা হ’ব বুলি উদ্যোক্তা সকলে জানিবলৈ দিয়ে।।