বনকৰা ছোৱালীৰ জন্মৰ ভুৱা প্ৰমাণ পত্ৰ দিয়া ডিব্ৰুগড় বিশ্ববিদ্যালয়ৰ উপ-পঞ্জীয়কৰ বিৰুদ্ধে শিশু কল্যাণ সমাজৰ এজাহাৰ
আজি এটা গুৰুত্বপুৰ্ণ ঘটনাত শিশু কল্যাণ সমাজে (Child welfare Society) ডিব্ৰুগড় বিশ্ববিদ্যালয়ৰ উপ-পঞ্জীয়ক পৰমানন্দ সোণোৱালৰ বিৰুদ্ধে আৰক্ষীৰ ওচৰত এখন এজাহাৰ দাখিল কৰে।
প্ৰাপ্ত তথ্য মতে সোণোৱাল ঘৰত বনকৰা ছোৱালী হিচাপে ৰখা ছোৱালীগৰাকীৰ জন্মৰ ভুৱা প্ৰমাণ পত্ৰ জমা দিয়াৰ অভিযোগত তেওঁৰ বিৰুদ্ধে শিশু কল্যাণ সমাজে এই এজাহাৰ দাখিল কৰিছে।
উল্লেখযোগ্য যে ১৫ মে’ৰ সন্ধিয়া ডিব্ৰুগড় বিশ্ববিদ্যালয়ৰ চৌহদত উপ-পঞ্জীয়ক পৰমানন্দ সোণোৱালৰ ঘৰৰ লগতে চহৰখনৰ ভিন্ন স্থানৰ পৰা ডিব্ৰুগড় জিলা প্ৰশাসন, শ্ৰম বিভাগ, আৰক্ষী আৰু চাইল্ডলাইনে তিনিগৰাকী শিশু শ্ৰমিক উদ্ধাৰ কৰিছিল।
পৰমানন্দ সোণোৱালৰ উপৰি শিশু শ্ৰমিক উদ্ধাৰ হোৱা আন দুটা ঘৰৰ গৰাকী আছিল উছমান আলী আৰু ইমৰান হুছেইন, তেওঁলোকৰ ঘৰৰ পৰা এগৰাকী কন্যা আৰু এটি ল’ৰা শিশু শ্ৰমিক উদ্ধাৰ কৰা হৈছিল। উদ্ধাৰ কৰা আটাইকেইটি শিশু শ্ৰমিকক শিশুগৃহত ৰখা হৈছে।
আনহাতে, শিশু শ্ৰমিক (প্ৰতিৰোধ আৰু নিয়ন্ত্ৰণ) আইন, ২০১৬ৰ অধীনত তিনিওগৰাকী লোকৰ বিৰুদ্ধে ইতিমধ্যে শ্ৰম বিভাগে ডিব্ৰুগড় আৰক্ষী থানাত পৃথকে পৃথকে এজাহাৰ দাখিল কৰিছে। উক্ত আইন অনুসৰি বনকৰা কামত শিশু শ্ৰমিক নিয়োগ কৰাটো দণ্ডণীয় অপৰাধ।
শিশু শ্ৰমিকৰ বিৰুদ্ধে অভিযান চলোৱাৰ বাবে শেহতীয়াকৈ জিলা প্ৰশাসনে অংগনৱাৰী কৰ্মী, সমাজকৰ্মী, এন জি অ’, গাওঁৰক্ষী বাহিনী, গাওঁবুঢ়া, স্থানীয় লোক আৰু আৰক্ষীক লৈ এটা কৰ্মবাহিনী গঠন কৰিছিল।
মন কৰিবলগীয়া যে কিছুদিন পূৰ্বেও প্ৰশাসনে জিলাখনৰ বিভিন্ন স্থানৰ পৰা চাৰিগৰাকী শিশু শ্ৰমিক উদ্ধাৰ কৰিছিল।
You may also like
Road accident at Rangjuli ৰংজুলিত ভয়ংকৰ পথ দুৰ্ঘটনা , থিতাতে নিহত এজন
পথাৰৰ কাম কৰি ঘৰলৈ উভতি আহোতে তীব্ৰবেগী আল্ট্ৰা বাছে মহতিয়াই নিয়ে এজন যুৱকক ৷ আল্ট্ৰা বাছৰ খুণ্ডাত থিতাতে নিহত যুৱক গৰাকীৰ নাম…
উদ্দেশ্য বিধেয়ক নহয়, ৰাজনৈতিক সংস্থাপনৰ বাবেহে ৰাহুল গান্ধীক সাক্ষাৎ আছু নেতৃত্বৰ : বিজেপি
‘ৰাহুল গান্ধীক সাক্ষাৎ কৰাৰ উদ্দেশ্য নাগৰিকত্ব সংশোধনী বিধেয়ক বাতিল নহয়, তেওঁলোকে ৰাজনৈতিকভাৱে সংস্থাপন বিচাৰিছে’। ৪ জানুৱাৰি অৰ্থাৎ সোমবাৰে সদৌ অসম ছাত্ৰ সন্থা…
মুখ্যমন্ত্ৰী ডঃ হিমন্ত বিশ্ব শৰ্মাই বিভাজনৰ কৌশল প্ৰয়োগ নকৰাকৈ ৰাজধর্ম পালন কৰক: কংগ্ৰেছ
মুখ্যমন্ত্ৰী ডঃ হিমন্ত বিশ্ব শৰ্মাই শিৱসাগৰ সমষ্টিৰ ৰাইজৰ দলৰ বিধায়ক অখিল গগৈৰ সৈতে হোৱা আলোচনাত দিয়া উন্নয়নৰ আশ্বাসৰ দৰে আন বিধায়কসকলৰ সৈতেও…
২০ মে’ত অমিত শ্বাহৰ ভ্ৰমণৰ দিনা ক’লা পতাকা প্ৰদৰ্শন কৰি প্ৰতিবাদ কৰিবলৈ ৰাইজক আহ্বান অখিল গগৈৰ
নাগৰিকত্ব সংশোধনী বিধেয়ক ২০১৬ বাতিলৰ দাবীত জনসাধাৰণৰ মাজত সজাগতা সৃষ্টিৰ প্ৰয়াস অব্যাহত ৰাখিছে কৃষক মুক্তি সংগ্ৰাম সমিতিয়ে। সেয়েহে আজি তৃতীয় দিনাও কৃষক…