বিশ্বনাথত উন্মোচন চিকিৎসক ডাঃ অমল শইকীয়াৰ ‘ডাক্তৰ আৰু বাম ডাক্তৰ’
বিশ্বনাথ চাৰিআলিৰ অগ্ৰণী সাহিত্যানুষ্ঠান জোনাকী চ’ৰাৰ উদ্যোগত বিশ্বনাথৰ চিকিৎসক, বিশ্বনাথ চহৰৰ কে পি মে’মৰিয়েল নাৰ্ছিং হ’মৰ স্বত্বাধিকাৰী ডা: অমল শইকীয়াৰ ‘ডাক্তৰ আৰু বাম ডাক্তৰ’ গ্ৰন্থখন আজি ২০ মে’ত উন্মোচন কৰা হয়।
বিহপুৰীয়া মহাবিদ্যালয়ৰ অৱসৰপ্ৰাপ্ত অধ্যাপক বিশিষ্ট শিক্ষাবিদ প্ৰবীণ শইকীয়াই গ্ৰন্থখন উন্মোচন কৰি ব্যঙ্গ সাহিত্য আৰু আজিৰ বিজ্ঞানৰ যুগত সাধাৰণ লোকৰ মাজত প্ৰচলিত ডাইনী প্ৰথা, অন্ধ বিশ্বাসৰ কথা উল্লেখ কৰি উন্মোচিত গ্ৰন্থখনৰ কিছু সাৰাংশ দাঙি ধৰে।
বীনাপাণি নাট্য মন্দিৰ প্ৰেক্ষাগৃহত অনুষ্ঠিত গ্ৰন্থ উন্মোচনী সভাত সভাপতিত্ব কৰে জোনাকী চ’ৰাৰ সভাপতি, বিশিষ্ট নাট্যকাৰ, প্ৰবীণ সাংবাদিক তৰুণ শইকীয়াই।
জোনাকী চ’ৰাৰ সম্পাদক দিলীপ কুমাৰ ভট্টাচাৰ্য্যই আঁত ধৰা সভাখনত মুখ্য অতিথি হিচাপে অংশগ্ৰহণ কৰি ছয়দুৱাৰ মহাবিদ্যালয়ৰ অধ্যক্ষ ডo অঞ্জন কুমাৰ ওজাই চিকিৎসা বৃত্তি আৰু সাহিত্য চৰ্চা বিষয়ৰ ওপৰত আলোকপাত কৰি বক্তব্য আগবঢ়ায়।
ইয়াৰ পিচতে অজিত হাজৰিকাই এটি কবিতা পাঠ কৰে আৰু তেজপুৰৰ কনকলতা অসামৰিক চিকিৎসালয় অধ্যক্ষা তথা আকাশবাণী ডিব্ৰুগড়ৰ শিল্পী ডাঃ ৰিণী দুৱৰাই এটি গীত পৰিবেশন কৰে।
You may also like
দেশৰ ধনী মুখ্যমন্ত্ৰীৰ তালিকাত নৱম স্থান হিমন্ত বিশ্ব শৰ্মাৰ : তুলাধূনা গৌৰৱ গগৈৰ
কংগ্ৰেছ নেতা তথা সাংসদ গৌৰৱ গগৈয়ে অসমৰ মুখ্যমন্ত্ৰী হিমন্ত বিশ্ব শৰ্মাক দেশৰ ধনী মুখ্যমন্ত্ৰীৰ ভিতৰত স্থান লাভ কৰা বুলি সমালোচনা কৰে। এছ’চিয়েশ্যন…
১৪৪ ধাৰা উলংঘা কৰি মাৰ্ঘেৰিটাত সভা সমিতি, বৰভোজ, খেল অনুষ্ঠিত কৰাক কেন্দ্ৰ কৰি ব্যাপক প্ৰতিক্ৰিয়া
মাৰ্ঘেৰিটা মহকুমা প্ৰশাসনৰ এখন জৰুৰী জাননীক কেন্দ্ৰক কৰি এতিয়া সৰ্বত্ৰে প্ৰতিক্ৰিয়াৰ সৃষ্টি হৈছে। মাৰ্ঘেৰিটা মহকুমা প্ৰশাসনে ৬ জানুৱাৰিত প্ৰকাশ কৰা এই জৰুৰী…
সমান দৰমহা আৰু সুবিধাৰ দাবীত ডিব্ৰুগড়ত এন এইচ এমৰ ঠিকাভিত্তিক কৰ্মচাৰীৰ ধৰ্মঘট
সদৌ অসম স্বাস্থ্য আৰু কাৰিকৰী কৰ্মচাৰী কল্যাণ সন্থাৰ আহ্বানত ডিব্ৰুগড়ৰ ৰাষ্ট্ৰীয় স্বাস্থ্য অভিযানৰ ঠিকাভিত্তিক কৰ্মচাৰীসকলে ৩ দিনীয়া ধৰ্মঘট কাৰ্যসূচী ৰূপায়ণ কৰিছে। ২০০৬…
বঙাইগাঁৱত যুৱকক অস্ত্ৰধাৰী দলৰ আক্ৰমণ
বঙাইগাঁৱৰ এজন যুৱকক দেওবাৰে অস্ত্ৰধাৰী দলে আক্ৰমণ কৰাৰ অভিযোগ উঠিছে। খবৰ অনুসৰি বঙাইগাঁৱৰ পুৰণি কলনী এলেকাত সংঘটিত হৈছে এই ঘটনা। দলটোৱে আক্ৰমণ…