বিশ্বনাথ চাৰিআলিত অখিল ভাৰতীয় চাহ মজদুৰ সংঘ বিশ্বনাথ শাখাৰ মজুৰি বৃদ্ধিৰ দাবীত বিক্ষোভ কাৰ্যসূচী
চাহ মজদুৰ সকলৰ দীৰ্ঘদিনীয়া দাবী পূৰণ তথা শ্ৰমিক সকলৰ দৈনিক মজুৰি বৃদ্ধিৰ বাবে বিভিন্ন ঠাইত প্ৰতিবাদ অব্যাহত থকাৰ সময়তে আজি পুনৰ বিশ্বনাথ চাৰিআলিৰ শ্ৰম বিষয়াৰ কাৰ্যালয়ৰ সন্মুখত চাহ শ্ৰমিক সকলে বিক্ষোভ কাৰ্যসূচী পালন কৰে।
উল্লেখযোগ্য যে চাহ শ্ৰমিকৰ মজুৰি নিৰ্ধাৰণৰ বাবে চনত গঠিত ন্যূনতম মজুৰি পৰামৰ্শদাতা পৰিষদে চাহ শ্ৰমিকৰ মজুৰি ১৭৭.১৯ টকা নিৰ্ধাৰণৰ প্ৰস্তাৱ আগবঢ়াইছিল আৰু তদানীন্তন অসম চৰকাৰে সেই প্ৰস্তাৱ মতেই চাহ শ্ৰমিকৰ মজুৰি ঘোষণা কৰিছিল।
কিন্তু মন কৰিব লগীয়া যে তদানীন্তন অসম চৰকাৰৰ সেই ঘোষণা কেৱল ঘোষণাতেই সীমাবদ্ধ থাকিল। কাৰণ ঘোষিত অনুসৰি চাহ শ্ৰমিকে নাপালে মজুৰি।
আনহাতে বাগিচা সমূহৰ নিত্য নৈমিত্তিক সমস্যা তথা শ্ৰমিক সকলে বাস কৰা লাইনৰ ৰাস্তা-ঘাট, নলা-নদৰ্মা মেৰামতি কৰা, চাহ শ্ৰমিকৰ বাবে নতুন পকীঘৰ নিৰ্মাণ, বাগিচা হস্পিতালৰ চিকিৎসা উন্নত কৰাকে ধৰি বিভিন্ন সমস্যা সন্দৰ্ভত আজি অখিল ভাৰতীয় চাহ মজদুৰ সংঘ বিশ্বনাথ শাখাই এই বিক্ষোভ কাৰ্যসূচী পালন কৰে।
লগতে চাহ শ্ৰমিকৰ ন্যূনতম মজুৰি দৈনিক ৩৫০ টকাকৈ নিৰ্ধাৰণৰ দাবীত বিক্ষোভ কাৰ্যসূচী পালনৰ পিছত বিশ্বানাথ চাৰিআলিৰ শ্ৰম বিষয়াৰ জৰিয়তে ৰাজ্যৰ মুখ্য মন্ত্ৰীলৈ স্মাৰক পত্ৰ প্ৰেৰণ কৰে।