বেলতলা বিহুত অসমবাসীলৈ জুবিনৰ নতুন উপহাৰ; ব্যগ্ৰ অনুৰাগী

বেলতলা বিহুত অসমবাসীলৈ জুবিন ( Zubeen ) আগবঢ়াব এক নতুন উপহাৰ|

বিহুৰ বতৰতে বেলতলা বিহুত ২২ এপ্ৰিলত মুক্তি পাব জুবিন ( Zubeen ) গাৰ্গ অভিনীত অসমীয়া চিনে’মা ‘দ আণ্দাৰৱৰ্ল্ড’ৰ গীত আৰু টীজাৰ। জুবিন গাৰ্গে আজি ১২ এপ্ৰিলত জনোৱা মতে সেইদিনা সন্ধিয়া ৮ বজাত হ’ব লগা অনুষ্ঠানটোত ছবিখনৰ সকলো কলা-কুশলী উপস্থিত থাকিব।

চিনে’মাখনত অগতানুগতিক চৰিত্ৰ আৰু অগতানুগতিক বেশ-ভূষাত দেখা যাব জুবিন গাৰ্গক। গাৰ্গৰ উপৰি প্ৰয়াত অভিনেতা বিজু ফুকন, নিপন গোস্বামী, দীনেশ দাস, কিংকিনি, উৎপল দাস, বাহাৰুল ইছলাম আদি অভিনেতায়ো চিনে’মাখনত অভিনয় কৰিছে।

ৰাগা ফিল্মছৰ হৈ নাজিম হামিদে প্ৰযোজনা কৰা চিনে’মাখনৰ কাহিনী, চিত্ৰনাট্য আৰু পৰিচালনা ‘গানে কি আনে’ৰ পৰিচালক ৰাজেশ যশপালৰ।

উল্লেখযোগ্য যে বলিউদৰ প্ৰখ্যাত পৰিৱেশনা গোষ্ঠী Eros Internationalএ এই চিনে’মাখনৰ পৰিৱেশনৰ দায়িত্ব লৈ প্ৰথম বাৰৰ বাবে অসমীয়া ছবিজগতত প্ৰৱেশ কৰিছে।