বোকাখাতৰ বালিজানত নাহৰফুটুকী বাঘ পিঞ্জৰাবদ্ধ
দীৰ্ঘদিন ধৰি বোকাখাত নগৰৰ সমীপৱৰ্তী বালিজান এলেকাত সন্ত্ৰাসৰ সৃষ্টি কৰি অহা নাহৰফুটুকী বাঘটো আজি পুৱতি নিশা পিঞ্জৰাবদ্ধ হয়৷ অঞ্চলটোত দীৰ্ঘদিন ধৰি বিচৰণ কৰি ফুৰা এই বাঘটোৰ বাবে স্থানীয় লোকৰ আপত্তিৰ ভিত্তিতে পূব অসম বন সংমণ্ডলৰ বনকৰ্মীয়ে এটা পিঞ্জৰা সংস্থাপন কৰিছিল৷
এই পিঞ্জৰাতে বুধবাৰে পুৱতি নিশা মতা নাহৰফুটুকী বাঘটো আৱদ্ধ হয়৷ বাঘটো আবদ্ধ হোৱা বুলি খবৰ লাভ কৰাত বোকাখাতত থকা পুৱ অসম বন্য প্ৰাণী সংমণ্ডলৰ বন কৰ্মী আৰু কাজিৰঙাৰ পানবাৰীৰ বন্যপ্ৰাণী পুনৰ সংস্থাপন আৰু সংৰক্ষণ কেন্দ্ৰৰ উদ্ধাৰকাৰী দলে বালিজানলৈ গৈ পিঞ্জৰাবদ্ধ নাহৰফুটুকী বাঘটোক পিঞ্জৰাৰে সৈতে লৈ আনে৷
পাছত কেন্দ্ৰটোৰ বিশেষজ্ঞ ডা৹ চামচুল আলীৰ তত্বাৱধানত পানবাৰী সংৰক্ষিত বনাঞ্চলত মুকলি কৰি দিয়ে বাঘটো৷ পিঞ্জৰাবদ্ধ মতা নাহৰফুটুকীটোৰ বয়স প্ৰায় দুবছৰ হ’ব বুলি ডা৹ চামচুল আলীয়ে জানিবলৈ দিয়ে।
উল্লেখ্য যে বালিজান অঞ্চলৰ লগতেই ডিফলু আৰু নাহৰজান চাহ বাগিছা আৰু ইয়াৰ লগতে লাগি থকা কাৰ্বি আংলঙৰ পাহাৰীয়া অঞ্চলটো নাহৰফুটুকী বাঘৰ অন্যতম আৱাস ভূমি৷ বন্য ভূমিৰ সংকোচন, মানুহৰ অবাধ বিচৰনৰ বাবে এই অঞ্চলত এতিয়া বিপদাগ্ৰস্ত হৈ পৰিছে নাহৰফুটুকী বাঘ৷
You may also like
শিৱসাগৰত প্ৰশাসন আৰু আইন সেৱা প্ৰাধিকৰণ উদ্যোগত আইন সেৱা শিবিৰ
শিৱসাগৰ জিলা আইন সেৱা প্ৰাধিকৰণ আৰু শিৱসাগৰ জিলা প্ৰশাসনৰ যৌথ উদ্যোগত ১৭ ফেব্ৰুৱাৰিত আঠাবাৰী উচ্চতৰ মাধ্যমিক বিদ্যালয় খেলপথাৰত এখন আইন সেৱা শিবিৰ…
কোভিদ-১৯-ৰ পৰৱৰ্তী সময়ছোৱা ভাৰতীয় ক্ৰীড়াক্ষেত্ৰৰ বাবে আশীৰ্বাদ স্বৰূপ হ’ব : অভিনৱ বিন্দ্ৰা
ভাৰতৰ অলিম্পিক সোণৰ পদক বিজয়ী শ্বুটাৰ অভিনৱ বিন্দ্ৰাই কোভিদ-১৯-ৰ পৰৱৰ্তী সময়ছোৱা ভাৰতীয় ক্ৰীড়া ক্ষেত্ৰৰ বাবে আশীৰ্বাদ স্বৰূপ হ’ব বুলি গুৰুত্বপূৰ্ণ মন্তব্য আগবঢ়াইছে।…
মিছন ১০০ প্লাছ; পুনৰ অসম ভ্ৰমণলৈ আহিব প্ৰধান মন্ত্ৰী নৰেন্দ্ৰ মোদী
দেশৰ প্ৰধান মন্ত্ৰী নৰেন্দ্ৰ মোদীয়ে শেহতীয়াকৈ অসম ভ্ৰমণ কৰি যোৱাৰ ১৫ দিন পিছত অৰ্থাৎ ৭ ফেব্ৰুৱাৰিত পুনৰ এবাৰ ৰাজ্যখনলৈ আহিব। অসম ৰাজ্যিক…
খেলুৱৈসকলৰ দাবী পূৰণৰ কোনো চেষ্টাই নাই! ভাৰতীয় অলিম্পিক সন্থাৰ পৰা পদত্যাগ মেৰী কমৰ
ভাৰতীয় অলিম্পিক সন্থাৰ (ইণ্ডিয়ান অলিম্পিক এছ’চিয়েশ্যন) গুৰুত্বপূৰ্ণ পদৰ পৰা পদত্যাগ কৰিছে মেৰী কমে। দেওবাৰে তেওঁ পদত্যাগৰ কথা ঘোষণা কৰে। অৱশ্যে বক্সিং কিংবদন্তিগৰাকীয়ে…