মঙল গ্ৰহলৈ যাব ভাৰতৰ ড্ৰ’ন : পৰিকল্পনা ইছৰোৰ 

ভাৰতীয় মহাকাশ গৱেষণা সংস্থাই চমুকৈ ইছৰোৱে মংগল গ্ৰহলৈ এখন ৰ’ট’কপ্টাৰ প্ৰেৰণ কৰাৰ পৰিকল্পনা কৰিছে। 

উল্লেখ্য যে  ইছৰোৰ ৰ’টাৰক্ৰাফ্ট এতিয়াও ধাৰণাগত পৰ্যায়তে আছে। এই ড্ৰ’নটোৱে উষ্ণতা সংবেদক, আৰ্দ্ৰতা সংবেদক, চাপ সংবেদক, বতাহৰ গতি সংবেদক, বৈদ্যুতিক ক্ষেত্ৰ সংবেদক, ট্ৰেচ প্ৰজাতি আৰু ধূলি সংবেদক আদি কেইবাটাও যন্ত্ৰ কঢ়িয়াই নিব পাৰিব।

কেইবাটাও সংবাদ মাধ্যমৰ বাতৰি অনুসৰি, পৰিকল্পিত এই ড্ৰ’নে মংগল গ্ৰহৰ পাতল বতাহত ১০০ মিটাৰ উচ্চতাত উৰি গ্ৰহটোৰ বায়ুমণ্ডল নীৰিক্ষণ কৰিব । 

এই অভিযানে মংগল গ্ৰহৰ বতৰৰ আৰ্হি আৰু গ্ৰহটোৰ জলবায়ুৰ ইতিহাস বুজিবলৈ মূল্যৱান তথ্য প্ৰদান কৰিব বুলি আশা কৰা হৈছে। ই ভৱিষ্যতৰ পৰিস্থিতি আৰু বিপদৰ ভৱিষ্যদ্বাণীৰ বাবে অতি গুৰুত্বপূৰ্ণ আৰু ভৱিষ্যতৰ অন্বেষণ অভিযানৰ পৰিকল্পনাত সহায়ক হ’ব।