মহিলা ৰে’ল যাত্ৰীৰ নিৰাপত্তাৰ ওপৰত ত্ৰিপুৰাৰ ধৰ্মনগৰত আৰ পি এফৰ সজাগতা সভা

মহিলা ৰে’ল যাত্ৰীসকলৰ নিৰাপত্তাৰ ওপৰত সজাগতা সৃষ্টিৰ উদ্দেশ্যে ৰে’লৱে সুৰক্ষা বাহিনী (আৰ পি এফ)এ আজি ত্ৰিপুৰাৰ ধৰ্মনগৰ ৰে’লৱে ষ্টেশ্যনত এখন সজাগতা সভা অনুষ্ঠিত কৰে।

মহিলা যাত্ৰীসলকৰ নিৰাপত্তা প্ৰতি লক্ষ্য ৰাখি আৰম্ভ কৰা ট’ল ফ্ৰী হেল্পলাইন নম্বৰ ১৮২ ওপৰত সজাগতা সৃষ্টিৰ দিশটোক আজিৰ সভাত প্ৰাধাণ্য দিয়া হয়।

এই সজাগতা সভাত স্থানীয় বিধায়ক বিশ্ববন্ধু সেন, ধৰ্মনগৰ আৰক্ষী খানাৰ উপ আৰক্ষী অধিক্ষক পাৰমিটা পাণ্ডেই , ভাৰপ্ৰাপ্ত আৰক্ষী বিষয়াৰ লগতে কেইবাজনো জ্যেষ্ঠ বিষয়া উপস্থিত খাকে।

সভাত আৰ পি এফৰ বিষয়াই কয় যে যদিও বিভাগটোৱে মহিলা যাত্ৰীসকলৰ পৰা বিভিন্নধৰণৰ অশালীন আচৰনৰ অভিযোগ পাই আহিছে, হেল্পলাইন নম্বৰৰ অভাৱত বহু অভিযোগ দাখিল নকৰাকৈয়ে থাকি যায়।

সেয়ে মহিলা যাত্ৰীসকলৰ সহায়ক হোৱাকৈ আৰ পি এফে উক্ত হেল্পলাইন সেৱাৰ আৰম্ভ কৰিছে বুলি তেওঁলোকে জানিবলৈ দিয়ে।