শিৱসাগৰৰ সোণাৰিত দুদিনীয়া কাৰ্য্যসূচীৰে চ্যুকাফা দিৱস উদযাপনৰ প্ৰস্তুতি

অসম জাতীয়তাবাদী যুৱ ছাত্ৰ পৰিষদৰ কেন্দ্ৰীয় সমিতিৰ সৌজন্যত আৰু চৰাইদেউ জিলা সমিতিৰ উদ্যোগত আজিৰ পৰা দুদিনীয়া কাৰ্য্যসূচীৰে সোণাৰিত কেন্দ্ৰীয়ভাৱে উদযাপন কৰিছে চ্যুকাফা দিৱস। সোণাৰিৰ ভগৱতী প্ৰসাদ বৰুৱা উচ্চতৰ মাধ্যমিক বিদ্যালয়ৰ প্ৰাংগণত অনুষ্ঠিত হোৱা চ্যুকাফা দিৱসত অসম জাতীয়তাবাদী যুৱ ছাত্ৰ পৰিষদৰ কেন্দ্ৰীয় সমিতিৰ সভাপতি পুতুল দত্তই পতাকা উত্তোলন কৰাৰ লগতে স্মৃতি তৰ্পণ কৰে কেন্দ্ৰীয় সমিতিৰ সম্পাদক পলাশ চাংমায়ে।

আনহাতে সদৌ তাই আহোম ছাত্ৰ সন্থাৰ ডিমৌ আঞ্চলিক সমিতিৰ উদ্যোগত ডিমৌ ৰাজহুৱা খেলপথাৰত অহা ২ ডিচেম্বৰ তাৰিখে চ্যুকাফা দিৱস ( অসম দিৱস ) উপলক্ষে বন্তি প্ৰজ্বলন কাৰ্যসূচী হাতত লোৱা হৈছে । তাই ছাত্ৰ সন্থাটোৱে উক্ত অনুষ্ঠানত ৰাইজৰ উপস্থিতি একান্তই কামনা কৰিছে বুলি সভাপতি জয়ন্ত গগৈ আৰু সম্পাদক সুমিত সন্দিকৈয়ে জানিবলৈ দিয়ে।