শীঘ্ৰেই অসমত উপস্থিত হ’ব বলীউদৰ মোহময়ী অভিনেত্ৰী প্ৰিয়ংকা চোপ্ৰা

অসম পৰ্যটনক্ষেত্ৰ ব্ৰেণ্ড এম্বেচাদৰ তথা বলীউদৰ মোহময়ী অভিনেত্ৰী প্ৰিয়ংকা চোপ্ৰা শীঘ্ৰেই অসমত উপস্থিত হ’ব তিনিদিনৰ শ্বুটিঙৰ বাবে।

পৰ্যটন মন্ত্ৰী হিমন্ত বিশ্ব শর্মাই মঙলবাৰে সাংবাদিকৰ আগত অহা ২-৩ সপ্তাহৰ ভিতৰতে বলীউদৰ অভিনেত্ৰী প্ৰিয়ংকা চোপ্ৰা তিনিদিনৰ শ্বুটিঙৰ বাবে অসমত উপস্থিত হ’ব বুলি জানিবলৈ দিয়ে।

পৰ্যটন মন্ত্ৰী গৰাকীয়ে কয় যে,  ‘আমি ৩০ ছেকেণ্ডৰ এটা ভিডিঅ’ত ৰাজ্যখনৰ সকলবোৰ দিশ উপস্থাপন কৰিব নোৱাৰো সেই কাৰণে কিছুমান সৰু সৰু ভিডিঅ’ বনোৱা হ’ব য’ত ৰাজ্যখনৰ আকৰ্ষণীয় অঞ্চল আৰু বিভিন্ন দিশ উপস্থাপন কৰা হ’ব।’ লগতে মন্ত্ৰী গৰাকীয়ে কয় যে বলীউদৰ অভিনেত্ৰী গৰাকী অসমত উপস্থিত হোৱাৰ লগতে অভিনেত্ৰী গৰাকৰী সৈতে ৰাজ্যখনৰ বিভিন্ন দিশ সামৰি এই সৰু সৰু ভিডিঅ’ সমূহ বনোৱা হ’ব।

আনহাতে বলীউদৰ মোহময়ী অভিনেত্ৰী গৰাকীয়ে উজনি অসমৰ যোৰহাট, কাজিৰঙা, তেজপুৰকে আদি অঞ্চলত পৰ্যটন মূলক ভিডিঅ’ প্ৰস্তুত কৰিব বুলি জানিব পৰা গৈছে।