সোণাৰিত আলফা(স্বাঃ)ৰ লিংকমেন আটক

ডাও ডিভিজনৰ সহযোগত সোণাৰিস্থিত সেনা বাহিনীৰ শিবিৰে আৰক্ষীৰ সৈতে মিলি আজি দিনৰ ১০ বজাত আলফা(স্বাঃ)ৰ এজন লিংকমেন আটক কৰে।

বিজয় লামা(৩২) নামৰ ধৃত আলফা(স্বাঃ)ৰ লিংকমেনজনক নামটোলা গাঁৱৰ বাসিন্দা প্ৰয়াত বন বাহাদুৰৰ পুত্ৰ বুলি জানিব পৰা গৈছে।

অসমৰ পৰা নাগালেণ্ডলৈ অস্ত্ৰ জাতিয় সামগ্ৰী সৰবৰাহ কৰা উদ্দেশ্যে ধৃত বিজয় লামাই এন এছ চি এন(কে) আৰু আলফা(স্বাঃ)ৰ সৈতে যোগাযোগ ৰক্ষা কৰি আহিছিল বুলি সেনা বাহিনীৰ এক সূত্ৰই জানিবলৈ দিয়ে।

সূত্ৰটোৰ পৰা জানিব পৰা মতে, অসম-নাগালেণ্ড সীমান্তত উগ্ৰপন্থী আৰু অস্ত্ৰ সৰবৰাহকাৰীৰ সঘন আহ-যাহৰ খবৰ পাই অহাৰ পিছতে সোণাৰিস্থিত সেনা বাহিনীৰ শিবিৰে আৰক্ষীৰ সৈতে মিলি অঞ্চলটোত এক যুটীয়া অভিযান চলায় উক্ত লিংকমেনজনক আটক কৰে।

লিংকমেনজনৰ পৰা আৰক্ষীয়ে এটা এ কে ৪৭, ৩০ জাঁই এ কে ৪৭ৰ গুলী, খাৰুৱা বোমা, নগদ ৬৩,০০০ টকা, ২০০টা স্পেছম’প্ৰক্সি টেবলেট আৰু এখন পত্ৰ উদ্ধাৰ কৰে।

অধিক তথ্যৰ বাবে ধৃত লামাক পিছত নামটোলা আৰক্ষী থানাত চমজাই দিয়া হয়।