হাইস্কুল শিক্ষান্ত পৰীক্ষাৰ প্ৰথম দিনটোতে সংঘটিত দুটাকৈ পৃথক ঘটনা
ৰাজ্যখনত শুকুৰবাৰে আৰম্ভ হোৱা হাইস্কুল শিক্ষান্ত পৰীক্ষাৰ প্ৰথম দিনটোতে দুটাকৈ পৃথক ঘটনা সংঘটিত হয়। ইয়াৰে প্ৰথমটো দক্ষিণ কামৰূপত আৰু আনটো লংকাত সংঘটিত হয় ।
আজি হাইস্কুল শিক্ষান্ত পৰীক্ষাৰ চলি থকাৰ সময়তে দক্ষিণ কামৰূপৰ সোণতলীতএজন ভুৱা পৰীক্ষাৰ্থীক আটক কৰে। এডমিট নোহোৱাকৈ পৰীক্ষাত বহা পৰীক্ষাৰ্থীজনৰ নাম ফকৰ আলী বুলি জানিব পৰা গৈছে।
প্ৰাপ্ত তথ্য মতে ফকৰ আলীক পৰীক্ষা দিয়াৰ সুবিধা কৰি দিয়াৰ বাবদ কেৰাণীজনে ৩ হাজাৰ টকাৰ উৎকোচ লোৱা বুলি অভিযোগ উত্থাপন হৈছে।
ইফালে লংকাতো ভুৱা মেট্ৰিক পৰীক্ষাৰ্থী আটক কৰা হৈছে বুলি জানিব পৰা গৈছে ।
ছিষ্টাৰ নিবেদিতা গাৰ্লছ হাইস্কুলৰ পৰা আটক কৰা হয় মজিবুৰ ৰহমান নামৰ ভুৱা পৰীক্ষাৰ্থীজনক। এডমিট কাৰ্ড জালিয়াতিৰে পৰীক্ষাত বহিছিল মজিবুৰে।
সমগ্ৰ জালিয়াতিৰ ঘটনাটো কেন্দ্ৰটোৰ নিৰীক্ষকৰ তৎপৰতাত পোহৰলৈ আহে। পিছত আৰক্ষী আৰু প্ৰশাসনৰ লোক উপস্থিত হৈ ভুৱা পৰীক্ষাৰ্থীজনক আটক কৰে।