হাজোত বিজেপি কৰ্মীক দল ত্যাগ নকৰাৰ বাবে হত্যাৰ চেষ্টা কংগ্ৰেছ কৰ্মীৰ
হাজোৰ শনিয়াদীত সোমবাৰে নিশা বিজেপি কৰ্মীক হত্যাৰ চেষ্টা চলোৱা বুলি জানিব পৰা গৈছে।
প্ৰাপ্ত তথ্য মতে জংঘললৈ মাতি নি বিজেপি কৰ্মী আমচেৰ আলীক একাংশ কংগ্ৰেছী কৰ্মীয়ে হত্যাৰ চেষ্টা চলোৱা বুলি অভিযোগ উত্থাপন হৈছে।
তাৰোপৰি বিজেপি কৰ্মীজনৰ বাসগৃহতো কংগ্ৰেছী দুৰ্বৃত্ত কেইজনে আক্ৰমণ চলোৱা বুলি জানিব পৰা গৈছে।
আনহাতে জামাল আলী, মুকুত আলী, আনোৱাৰ হুছেইন, আফজল আলী আৰু আব্দুল্লা আলীয়ে বিজেপি কৰ্মীজনক হত্যাৰ চেষ্টা চলোৱা বুলি বিজেপি কৰ্মীজনে অভিযোগ উত্থাপন কৰিছে।
লগতে দীৰ্ঘদিন ধৰি বিজেপি দল এৰাৰ বাবে আমচেৰক কংগ্ৰেছ কৰ্মীকেইজনে ভাবুকি দি অহা বুলি উল্লেখ কৰে।
ইতিমধ্যে ঘটনা সন্দৰ্ভত আমচেৰৰ পৰিয়ালৰ লোকে হাজো থানাত এজাহাৰ দাখিল কৰিছে।
আনহাতে দুৰ্বৃত্তৰ আক্ৰমণত গুৰুতৰভাৱে আহত আমচেৰ আলী বৰ্তমান চিকিৎসাধীন হৈ আছে বুলি জানিব পৰা গৈছে।