হাফলঙত পলিথিন আৰু প্লাষ্টিকৰ সামগ্ৰীৰ ব্যৱহাৰ নিষিদ্ধ
পলিথিন, প্লাষ্টিকৰ ব্যৱহাৰৰ বিৰোধিতাৰে হাফলং নগৰ সমিতিয়ে আজি এক নিৰ্দেশনা যোগে চহৰখনত পলিথিন বেগ, প্লাষ্টিক গ্লাছ আৰু থাৰ্ম’কল আদিৰ ব্যৱহাৰ আৰু বিক্ৰী নিষিদ্ধ কৰিছে।
যিহেটু এইধৰণৰ সামগ্ৰীসমূহে প্ৰদূষণৰ লগতে নলা-নৰ্দমা আদি বন্ধ কৰি বিভিন্ন ধৰণৰ বেমাৰ সৃষ্টিত সহায় কৰে সেয়ে হাফলং নগৰ সমিতিৰ সভাপতিয়ে এক নিষেধাজ্ঞা যোগে চহৰখনৰ সকলো ব্যৱসায়ী আৰু শাক-পাচলি বেপাৰিকে সমূহ দোকানীক প্লাষ্টিক আৰু পলিথিনিৰ সামগ্ৰী ব্যৱহাৰ আৰু বিক্ৰী নকৰিবলৈ নিৰ্দেশ দিছে।
নিৰ্দেশটোত লগতে কোৱা হৈছে যে এই নিষেধাজ্ঞা মানি নচলা সকলৰ ওপৰত ৫,০০০ টকাৰ জৰিমনা বিহা হ’ব।
হাফলঙক এখন পলিথিনমুক্ত অঞ্চল হিচাপে গঢ়িবলৈ নগৰ সমিতিয়ে লোৱা এই পদক্ষেপক সহায় সহযোগ কৰিবলৈ হাফলং নগৰ সমিতিয়ে চহৰখনৰ জনসাধাৰণক অনুৰোধ জনাইছে।
উল্লেখযোগ্য যে পৰিবেশ প্ৰদূষণৰ অন্যতম প্ৰধান কাৰক পলিথিন বেগৰ ব্যৱহাৰৰ ক্ষেত্ৰত উচ্চতম ন্যায়ালয়ৰ ফালৰ পৰাও ইতিমধ্যে নিষেধাজ্ঞা আৰোপ কৰি থোৱা আছে।
You may also like
অসম কৃষি বিশ্ববিদ্যালয়ৰ ৫৪ সংখ্যক প্ৰতিষ্ঠা দিৱস,বাৰেৰহণীয়া সাংস্কৃতিক শোভাযাত্ৰা
অসম কৃষি বিশ্ববিদ্যালয়ৰ ৫৪ সংখ্যক প্ৰতিষ্ঠা দিৱস শুকুৰবাৰে বৰ্ণাঢ্য কাৰ্যসূচীৰে অনুষ্ঠিত হয় । পুৱা বিশ্ববিদ্যালয়ৰ উপাচাৰ্য ড° বিদ্যুত চন্দন ডেকাই পতাকা উত্তোলনেৰে…
ৰেল লাইন উৰাই দিলে মাওবাদীয়ে, আৱদ্ধ হৈ পৰিল কেইবাখনো যাত্ৰীবাহী ট্ৰেইন, ক’ত?
এইবাৰ ৰেল লাইন উৰাই দিলে মাওবাদীয়ে। যাৰ ফলত বহু ষ্টেচনত আৱদ্ধ হৈ ৰ’বলগা হৈছে কেইবাখনো যাত্ৰীবাহী ট্ৰেইন। ঝাড়খণ্ডৰ হাউৰা-মুম্বাই সংযোগী ৰেলপথত সংঘটিত…
মহিলা প্ৰদেশ কংগ্ৰেছে লাভ কৰিলে প্ৰতীক সম্বলিত পতাকা; উন্মোচন কৰিলে দলৰ জ্যেষ্ঠ নেতাই
শনিবাৰে অসম প্ৰদেশ মহিলা কংগ্ৰেছৰ উদ্যোগত আয়োজিত ল’গ’ বা প্ৰতীক চিহ্ন তথা পতাকা উন্মোচনী অনুষ্ঠানত পতাকাখন উন্মোচন কৰে অসম প্ৰদেশ মহিলা কংগ্ৰেছৰ…
অৰুণাচল প্ৰদেশত পুনৰ ডাৱৰ বিস্ফোৰণ; উদ্ধাৰকাৰী নাও ডুবি সন্ধানহীন ৯ জন, ৩ জনৰ মৃত্যু
এসপ্তাহ নৌহওঁতেই পুনৰ ডাৱৰ বিস্ফোৰণ আৰু অত্যন্ত ধাৰাসাৰ বৰষুণৰ ফলত বিপৰ্যস্ত হৈছে অৰুণাচল প্ৰদেশ। ধাৰাবাহিক বৰষুণৰ বাবে অৰুণাচলৰ বিস্তৃত অঞ্চল ডুব গৈছে।…