৭২ বাৰ চেষ্টা কৰাৰ পিছতো গৰ্ভৱতী নহ’ল পত্নী, অৱশেষত চুবুৰীয়া যুৱকৰ ওপৰত গোচৰ তৰিলে স্বামীয়ে
বাৰে বাৰে চেষ্টা কৰাৰ পিছতো গৰ্ভৱতী নহল পত্নী। অৱশেষত উপায়হীন হৈ চুবুৰীয়া যুৱকৰ ওপৰত গোচৰ তৰিলে স্বামীয়ে। এই ঘটনা সংঘটিত হৈছে জাৰ্মানীত।
জাৰ্মানীৰ ডেমিট্ৰাছ ছৌপ্লাছ নামৰ এগৰাকী ২৯ বছৰীয়া ব্যক্তিয়ে নিজৰ চুবুৰীয়া যুৱক মাউছৰ বিৰুদ্ধে আৰক্ষীত গোচৰ তৰিছে।
ঘটনা অনুসৰি ডেমিট্ৰাছ এজন বিবাহিত পুৰুষ। বিবাহৰ পিছত ডেমিট্ৰাছে জানিব পাৰে যে তেওঁৰ সন্তান জন্ম দিব পৰা ক্ষমতা নাই। কিন্তু পিতৃ হ’বলৈ অতন্ত্য হেঁপাহ আছিল ডেমিট্ৰাছ আৰু ডেমিট্ৰাছৰ পত্নী ট্ৰটৰ।
স্বামীৰ অক্ষমতাৰ কথা জানিব পাৰি মানসিকভাবে ভাগি পৰিছিল ডেমিট্ৰাছৰ পত্নী। প্ৰথম অৱস্থাত ডেমিট্ৰাছৰ পত্নী ট্ৰটে চে’ৰগেছিৰ দ্বাৰা সন্তান জন্ম দিব খুজিছিল যদিও ডেমিট্ৰাছৰ আছিল আন এক পৰিকল্পনা।
ডেমিট্ৰাছৰ ঘৰৰ ওচৰতে বাস কৰিছিল দুটা সন্তানৰ পিতৃ মাউছ নামৰ এজন ব্যক্তিয়ে। এদিন ডেমিট্ৰাছে মাউছৰ লগত চুক্তি কৰিলে যে মাউছে ট্ৰটক গৰ্ভৱতী কৰিব আৰু ইয়াৰ বিনিময়ত মাউছক বিশাল পৰিমাণৰ ধন প্ৰদান কৰিব ডেমিট্ৰাছে।
এই চুক্তি অনুসৰি প্ৰতি সপ্তাহত এনিশাকৈ প্ৰায় ৭২ টা নিশা মাউছৰ লগত নৈশ যাপন কৰিলে ডেমিট্ৰাছৰ পত্নীয়ে। কিন্তু ইমান দিন পাৰ হৈ যোৱাৰ পিছতো গৰ্ভৱতী হ’বলৈ সক্ষম নহ’ল ট্ৰট। যাৰ বাবে অৱশেষত উপায়হীন হৈ মাউছৰ বিৰুদ্ধে আৰক্ষীত গোচৰ তৰিলে ডেমিট্ৰাছে।
ইতিমধ্যে এই গোচৰ লাভ কৰি আচৰিত হৈ পৰিছে জাৰ্মানীৰ আৰক্ষী। এতিয়া সমগ্ৰ বিশ্বত ভাইৰেল হৈ পৰিছে ডেমিট্ৰাছ, ট্ৰট আৰু মাউছৰ কাহিনী।