৯ জুনত শিলচৰৰ আইনী শিবিৰত উপস্থিত থাকিব উচ্চতম ন্যায়ালয়ৰ ন্যায়াধীশ ৰঞ্জন গগৈ

৯ জুনত কাছাৰ জিলা আইনী সেৱা কেন্দ্ৰৰ ব্যৱস্থাপনাত শিলচৰৰ অসম বিশ্ববিদ্যালয়ৰ চৌহদত এটা আইনী শিবিৰ অনুষ্ঠিত হ’ব।

উক্ত শিবিৰত মুখ্য অতিথি হিচাপে উপস্থিত থাকিব উচ্চতম ন্যায়ালয়ৰ অন্যতম বিচাৰপতি ৰঞ্জন গগৈ আৰু গুৱাহাটী উচ্চ ন্যায়ালয়ৰ মুখ্য বিচাৰপতি অজিত সিংহ ।

আইনী শিবৰটোত অংশ লোৱাৰ উদ্দেশ্যে দুয়োজন বিশিষ্ট বিচাৰপতি আজি শিলচৰত গৈ উপস্থিত হৈছে ।

উল্লেখযোগ্য যে, দেশৰ আইন সন্দৰ্ভত সজাগতা অনাৰ মূল লক্ষ্য হিচাপে লৈয়ে কাছাৰ জিলা আইনী সেৱা কেন্দ্ৰৰ ব্যৱস্থাপনাত আইনী শিবিৰটোৰ আয়োজন কৰা হৈছে। এই সভা অনুষ্ঠিত কৰাৰ লগতে উক্ত অনুষ্ঠানতে শিলচৰৰ বিকলাংগ লোকসকলৰ মাজত কৃত্ৰিম সা- সঁজুলি বিতৰন কৰা হ’ব।