ৰাষ্ট্ৰপতিৰ পৰিৱৰ্তনে ৰাজনৈতিক পৰিস্থিতিত কোনো প্ৰভাৱ নেপেলায় : ইউ এছ ডি পি
ম্যানমাৰৰ ইউ এছ ডি পিৰ মুখপাত্ৰ ড০ নন্দৰ হিলা মিন্টে কয় যে ৰাষ্ট্ৰপতি হিটিন কেয়োৰ পদত্যাগে ম্যানমাৰৰ ৰাজনৈতিক পৰিস্থিতিত কোনো প্ৰভাৱ নেপেলায়। মিজিমা নিউজৰ এক বাতৰিত এই কথা প্ৰকাশ পাইছে।
‘’আমাৰ ৰাজনৈতিক পৰিস্থিতিত মুখ্য ব্যক্তি ৰাষ্ট্ৰপতি নহয়, আং ছান ছ্যু কীহে। সেয়েহে মোৰ বিনম্ৰ বক্তৱ্য হ’ল যে ৰাষ্ট্ৰপতিৰ পৰিৱৰ্তনৰ বিশেষ প্ৰভাৱ নপৰে,’’- ইউ এছ ডি পিৰ মুখপাত্ৰগৰাকীয়ে এনেদৰে কয়।
‘’মই ভাৱো পৰৱৰ্তী ৰাষ্ট্ৰপতিগৰাকী আং ছান ছ্যু কীৰ বিশ্বাসভাজন ব্যক্তি হ’ব আৰু পূৰ্বৰ ৰাষ্ট্ৰপতিগৰাকীৰ দৰে তেওঁৰ প্ৰতি আনুগত্য থকা হ’ব। সেয়েহে শাসকীয় নেশ্যনেল লীগ ফৰ ডেম’ক্ৰেচি (এন এল ডি) দলে নিৰ্বাচিত কৰা পৰৱৰ্তী ৰাষ্ট্ৰপতিগৰাকী ৰাষ্ট্ৰপতি হিটিন কেয়োৰ দৰেই এগৰাকী ব্যক্তি হ’ব,’’- ইউনিয়ন ছলিডাৰিটি এণ্ড ডেভেলপমেন্ট পাৰ্টিৰ মুখপাত্ৰগৰাকীয়ে লগতে এইদৰে কয়।
ৰাষ্ট্ৰপতিৰ কাৰ্যালয়ৰ পৰা জাৰি কৰা এক ঘোষণাত কোৱা হৈছে যে ৰাষ্ট্ৰপতিগৰাকীয়ে তেওঁৰ পদৰ পৰা অৱসৰ লৈছে কিয়নো তেওঁ ৰাষ্ট্ৰপতিৰ দায়িত্বৰ পৰা মুক্ত হ’ব বিচাৰিছে।
বাতৰি ওলাইছে যে অলপতে পদত্যাগ কৰা নিম্ন সদনৰ অধ্যক্ষ উইন মিন্টেই দেশখনৰ পৰৱৰ্তী ৰাষ্ট্ৰপতি হ’ব।