জাগুনত বন্যহস্তীৰ আক্ৰমণত এজন বয়োবৃদ্ধ লোকৰ মৃত্যু; খৰি লুৰিবলৈ গৈছিল লোকজন

 তিনিচুকীয়া জিলাৰ মাৰ্ঘেৰিটা মহকুমাৰ অন্তৰ্গত জাগুন বন বিভাগৰ কাৰ্যালয়ৰ অধীনৰ কথা সংৰক্ষিত বনাঞ্চলত এক শোকাবহ ঘটনা সংঘটিত হয়৷

সংৰক্ষিত বনাঞ্চলখনত দিন দুপৰতে বন্যহস্তিয়ে প্ৰাণ ল’লে এজন লোকৰ৷

শুকান খৰি অনিবলৈ বুলি বনাঞ্চললৈ গৈছিল লোকজন৷

লোকজনৰ নাম দল বাহাদুৰ তামাং(৭৫)৷ মৃত তামাঙৰ ঘৰ ৩নং উদয়পুৰ কুঁহিয়াৰ বাৰীৰ ৰাণা গাঁৱত বুলি জানিব পৰা গৈছে৷

ঘটনাস্থলীত স্থানীয় ৰাইজ আৰু বন বিভাগৰ লোক উপস্থিত হৈ মৃত্যু ব্যক্তিজনক উদ্ধাৰ কৰে।

বয়োজ্যেষ্ঠ তামাঙৰ মৃত্যুত অঞ্চলটোত শোকৰ ছাঁ‌ পৰিছে৷