ৰাজ্যত আজি কিমানজন আক্ৰান্ত হ’ল কোভিডত? কিমানে প্ৰাণ হেৰুৱালে মাৰাত্মক ভাইৰাছত?
ৰাজ্যত ক’ভিড পজিটিভিটিৰ হাৰ আজিও ১ শতাংশৰ তলতে আছে।
বিগত ২৪ ঘণ্টাত ৰাজ্যত কৰ’না ভাইৰাছত আক্ৰান্ত হৈছে ৪৫৫ গৰাকী লোক। আজি ৰাজ্যখনত মুঠতে ৭২,৬৫০ টা ক’ভিড পৰীক্ষা সম্পন্ন কৰা হয়।
আজিৰ দিনটোত ৰাজ্যখনত ক’ভিডত ১০ গৰাকী লোকে প্ৰাণ হেৰুৱাইছে।
কামৰূপ মেট্ৰ’ত বিগত ২৪ ঘণ্টাত ক’ভিডত আক্ৰান্ত হৈছে ৮৪ গৰাকী লোক।
ক’ভিড পজিটিভিটিৰ হাৰ হৈছে ০.৬১ শতাংশ। এই সময়ছোৱাত সুস্থতাৰ হাৰ হৈছে ৯৮.২০ শতাংশ।
বৰ্তমান ৰাজ্যখনত কোভিড বিধি বহুখিনি শিথিল কৰি দিয়া হৈছে আৰু জনসাধাৰণক বাহিৰলৈ ওলোৱাৰ ক্ষেত্ৰত বা নিজৰ নিজৰ কৰ্মত আত্মনিয়োগ কৰাৰ ক্ষেত্ৰত সম্পূৰ্ণ অনুমোদন দিয়া হৈছে।
Summary of 20/9/2021
Today’s Total 455
Overall Positivity Percentage (455 cases out of 72650 test done = 0.61%)
Kamrup(M) 84
Death 10
Recovery Rate 98.20%
— Keshab Mahanta (@keshab_mahanta) September 20, 2021
অৱশ্যে, তাৰ মাজতো কোভিড বিধি মানি চলাটো বাধ্যতামূলক।
নিজৰ কৰ্মক্ষেত্ৰতে হওক বা ৰাজহুৱা স্থানতেই হওক মাস্ক পৰিধান, ছেনিটাইজ কৰা বা সমাজিক দূৰত্ব বিধি মানি চলাৰ বাবে পৰামৰ্শ দিয়া হৈছে।
দীৰ্ঘদিনৰ অন্তত আজিৰ পৰা আৰম্ভ হৈছে দশম শ্ৰেণীৰ পাঠদান।সেয়ে বিদ্যালয় সমূহত গ্ৰহণ কৰিছে বিশেষ সতৰ্কতামূলক ব্যৱস্থা।
বিদ্যালয় সমূহৰ চৌহদ, শ্ৰেণী কোঠা আদিত চেনিটাইজেশ্বন কৰাৰ উপৰি ক’ভিড প্ৰটকলৰ বাবে চৰকাৰে নিৰ্দেশনা দিয়া অনুযায়ী সকলো খিনি মানি পাঠদান আৰম্ভ কৰিছে।