বিজেপি ১০ বছৰ ক্ষমতাত থকাৰ পিছতো অনুপ্ৰৱেশকাৰী আহিয়েই আছে  : অসম চৰকাৰক তীব্ৰ সমালোচনা গৌৰৱ গগৈৰ

প্ৰায় দহ বছৰ ধৰি বিজেপিৰ ক্ষমতাত থকাৰ পাছতো কিয় অবৈধ প্ৰৱেশকাৰীয়ে সীমান্ত পাৰ হৈ আহি আছে বুলি প্ৰশ্ন উত্থাপন কৰি কংগ্ৰেছ সাংসদ গৌৰৱ গগৈয়ে অসম চৰকাৰক তীব্ৰ সমালোচনা কৰে।

“তেওঁলোক ক্ষমতাত থকা ১০ বছৰ হ’ল, সীমান্তৰ নিৰাপত্তা তেওঁলোকৰ চকুত দি যদি এতিয়াও অনুপ্ৰৱেশকাৰী আহি আছে, তেন্তে তাৰ বাবে দায়ী কোন?” গগৈয়ে কয়।

এই সন্দৰ্ভত কংগ্ৰেছ নেতাগৰাকীয়ে নিজৰ দলৰ স্থিতি পুনৰাবৃত্তি কৰি কয়, ‘কংগ্ৰেছ দলৰ স্থিতি স্পষ্ট, কোনো বাংলাদেশীয়ে অসমত অবৈধভাৱে থাকিব নালাগে। এইটো নিশ্চিত কৰাটো অসম চৰকাৰ আৰু কেন্দ্ৰীয় চৰকাৰ উভয়ৰে কৰ্তব্য।”

গগৈয়ে হিমন্ত বিশ্ব শৰ্মা নেতৃত্বাধীন চৰকাৰে বিষয়টো সম্পৰ্কে সুনিৰ্দিষ্ট ব্যৱস্থা গ্ৰহণ কৰাৰ পৰিৱৰ্তে ৰাজনৈতিক লাভালাভৰ বাবে ব্যৱহাৰ কৰাৰ অভিযোগ উত্থাপন কৰে।

ঝাৰখণ্ডত অনুপ্ৰৱেশ সম্পৰ্কে তেওঁৰ ৰাজনীতি যেনেকৈ বিফল হ’ল, অসমতো বিফল হ’ব বুলি মন্তব্য কৰে গগৈয়ে।

অসমৰ মুখ্যমন্ত্রী হিমন্ত বিশ্ব শর্মাই পৰিকল্পনা আয়োগৰ প্রাক্তন সদস্য চৈয়দা হামিদৰ “বাংলাদেশীয়ে ভাৰতত বসবাস কৰিব পাৰে” বুলি মন্তব্যক কৰা সমালোচনাৰ উত্তৰ হিচাপে এই প্ৰতিক্ৰিয়া প্ৰকাশ কৰিছে।

তেওঁ আৰু কয়, “মই অতি স্পষ্টকৈ কওঁ যে অসমত বাংলাদেশীক আদৰণি জনোৱা নহ’ব, এয়া তেওঁলোকৰ মাটি নহয়।