১০৮ মৃত্যুঞ্জয় সেৱাৰ কৰ্মচাৰীৰ প্ৰতিবাদ: প্ৰায় ৫০০ কৰ্মচাৰীক চাকৰিৰ পৰা অব্যাহতি!
চাকৰি নিয়মীয়াকৰণ, সম-কাম সম-মৰ্যদা আৰু উপযুক্ত মজুৰিৰ দাবীত চলি থকা প্ৰতিবাদৰ মাজতে ৰাজ্যৰ ১০৮ মৃত্যুঞ্জয় সেৱাৰ প্ৰায় ৫০০ ৰো অধিক কৰ্মচাৰীক চাকৰিৰ পৰা বৰ্খাস্ত কৰা হৈছে।
যোৱা ১ ডিচেম্বৰৰ পৰা ১০৮ সেৱাৰ শ শ কৰ্মচাৰীয়ে গুৱাহাটীৰ চচলৰ ধৰ্ণাস্থলীত বিক্ষোভ কাৰ্যসূচী ৰূপায়ণ কৰি আছিল, যাৰ ফলত ৰাজ্যত ১০৮ সেৱা প্ৰায় অচল হৈ পৰিছিল। কৰ্মচাৰীসকলৰ অভিযোগ আছিল যে ১৭ বছৰ ধৰি সেৱা আগবঢ়োৱাৰ পাছতো তেওঁলোকৰ কোনো কৰ্ম নিৰাপত্তা নাই আৰু জৰুৰীকালীন সেৱাৰ অংশ হোৱাৰ পাছতো আন জৰুৰীকালীন সেৱাৰ কৰ্মচাৰীৰ দৰে তেওঁলোকে কোনো সা-সুবিধা লাভ কৰা নাই।
প্ৰতিবাদকাৰীসকলে চৰকাৰৰ সৈতে আলোচনা বিচাৰিছিল আৰু দাবী পূৰণ নহ’লে দিছপুৰ ঘেৰাওৰ দৰে কঠোৰ কাৰ্যসূচী লোৱাৰো হুংকাৰ দিছিল। কিন্তু প্ৰতিবাদ চলি থকাৰ মাজতে, GVK কৰ্তৃপক্ষৰ নিৰ্দেশনাৰ ভিত্তিত প্ৰতিবাদত অংশ লোৱা আৰু অন্যান্য কৰ্মচাৰীসহ মুঠ প্ৰায় ৫০০ কৰ্মচাৰীক চাকৰিৰ পৰা অব্যাহতি দিয়াৰ খবৰে সকলোৰে মাজত হাহাকাৰ সৃষ্টি কৰিছে।
বৰ্খাস্ত কৰা কৰ্মচাৰীসকলে বছৰ বছৰ ধৰি কাম কৰি থকাৰ পাছত হঠাৎ নিবনুৱা হোৱাত এক অনিশ্চিত ভৱিষ্যতৰ সন্মুখীন হৈছে। ইফালে, GVK-য়ে শীঘ্ৰেই এই পদসমূহত নতুনকৈ নিযুক্তি দিয়া হ’ব বুলি জানিব পৰা গৈছে।
You may also like
কলিয়াবৰত ভূ-মাফিয়াৰ তাণ্ডৱ: কৃষিভূমিৰ অবৈধ খননক লৈ চিন্তিত স্থানীয় কৃষক
অসমৰ বিভিন্ন প্ৰান্তৰ লগতে কলিয়াবৰৰো কেইবাটাও স্থানত ভূ-মাফিয়াই চলাইছে অবৈধ মাটি খনন। অঞ্চলটোত অবিৰতভাৱে চলি থকা এই কাৰ্যই স্থানীয় বাসিন্দা তথা কৃষকসকলৰ…
বিদ্যুৎ বিভাগৰ বৰ্ধিত মাচুলক লৈ সৰৱ ছাত্র মুক্তি সংগ্ৰাম সমিতি,শক্তি মন্ত্রীৰ পদত্যাগ দাবী
গোলাঘাটত বিদ্যুৎ বিভাগৰ মাচুলে জ্বলা-কলা দেখুৱাইছে বিদ্যুৎ গ্ৰাহকক । বিদ্যুৎ বিভাগত সংঘটিত হোৱা এনেধৰণৰ ঘটনাক লৈ জাঙুৰ খাই উঠিছে ছাত্ৰ মুক্তি সংগ্ৰাম…
অসমীয়া জাতিৰ মৃত্যুঘন্টা বজালে বিজেপিয়ে : দেশজুৰি বলৱৎ হ’ল ‘কা’
সংসদত গৃহীত হোৱাৰ পাঁচ বছৰৰ পাছত আজি কেন্দ্ৰই কাৰ্যকৰী কৰিলে নাগৰিকত্ব সংশোধনী আইন। ভাৰতৰ নিৰ্বাচন আয়োগে লোকসভা নিৰ্বাচনৰ তাৰিখ ঘোষণা কৰাৰ পূৰ্বে…
অভিনেত্ৰীৰ ধৰ্ষণৰ গোচৰত ৮ বছৰৰ পিছত দোষমুক্ত জনপ্ৰিয় প্ৰসিদ্ধ অভিনেতা, ষড়যন্ত্ৰৰ অভিযোগ
মালয়ালম চলচ্চিত্ৰ জগতৰ প্ৰসিদ্ধ অভিনেতা দিলীপ দোষমুক্ত হোৱাৰ ঘোষণাই সোমবাৰে কেৰালাৰ এৰ্নাকুলাম প্ৰধান সত্ৰ আদালতত এক উত্তেজনাপূৰ্ণ পৰিৱেশৰ সৃষ্টি কৰে। ২০১৭ চনৰ…