১১০০ৰ দিশে অসমত ক’ভিড আৰোগ্য, দিনটোত ৩১৩জনক চিকিৎসালয়ৰ পৰা মুক্তি
ৰাজ্যত অপ্ৰতিৰোধ্য ক’ৰ’নাৰ সংক্ৰমণ। কিন্তু তাৰ মাজতে আজিৰ দিনটোত আহিছে অন্য এক ভাল খবৰ।
আজিৰ দিনটোত ৰাজ্যত ক’ৰ’নামুক্ত হৈছে সৰ্বাধিক ৩১৩গৰাকী লোক।
এই মুহূৰ্তত ১২ গৰাকী লোক ৰাজ্যত ক’ৰ’ণামুক্ত হৈছে ।
ইয়াৰে মৰিগাঁও জিলা চিকিৎসালয়ৰ পৰা ৫গৰাকী, মৰিগাঁৱৰ হিন্দুস্তান কাগজ কলৰ চিকিৎসালয়ৰ পৰা ৪ গৰাকী, নগাওঁ জিলা চিকিৎসালয়ৰ পৰা ৩ গৰাকী লোকক যাবলৈ দিয়া হৈছে।
টুইটাৰযোগে স্বাস্থ্য মন্ত্ৰী হিমন্ত বিশ্ব শৰ্মাই জনাইছে এই কথা।
? Discharge Alert
1⃣2⃣ more patients discharged today.
DH Morigaon 5; HPCL HSP Morigaon 4; DH Nagaon 3
?Total Discharged Patients – 1097
?Active Patients – 183210:40 PM/June 9/ Day’s total diacharge 313#AssamCovidCount pic.twitter.com/yIizdcFNXF
— Himanta Biswa Sarma (@himantabiswa) June 9, 2020
লোক কেইগৰাকীক দুবাৰকৈ টেষ্ট কৰাত নিগেটিভ ওলোৱাত তেওঁলোকক চিকিৎসালয়ৰ পৰা যাবলৈ দিয়া হয়।
কিছু সময় পূৰ্বে ৩০১ গৰাকী লোক ৰাজ্যৰ বিভিন্ন চিকিৎসালয়ৰ পৰা কৰণা মুক্ত হৈছিল।
কিন্তু কোন কোন চিকিৎসালয়ৰ পৰা মুক্তি দিয়া হৈছে সেই কথা জনোৱা নাছিল স্বাস্থ্য মন্ত্ৰীগৰাকীয়ে।
চিকিৎসক, নাৰ্ছ আৰু স্বাস্থ্য কৰ্মীয়ে ভালদৰে কাম বা চিকিৎসা সেৱা আগবঢ়োৱাৰ বাবে এয়া সম্ভৱ হৈ উঠা বুলি দাবী কৰিছিল স্বাস্থ্য মন্ত্ৰীগৰাকীয়ে।
কালিৰ পৰা আজিলৈকে মুঠ ৪৬১ গৰাকী ৰোগীক মুক্তি দিয়াৰ ফলত ৰাজ্যত ১৮৩২ লৈ হ্ৰাস পালে ক’ৰ’ণা আক্ৰান্তৰ সংখ্যা। ৰাজ্যত এতিয়ালৈকে ১০৯৭ গৰাকী লোক ক’ৰ’ণা মুক্ত হৈছে।
ৰাজ্যত আজিৰ দিনটোত বৰ্তমানলৈকে ১০২ গৰাকী লোক এই কোভিড-১৯+ ত আক্ৰান্ত হোৱাত তথা ৰোগীৰ সংখ্যা ২৯৩৭ লৈ বৃদ্ধি পোৱাত সকলো আতংকিত হৈ আছে যদিও দুদিনত ৪৬১ গৰাকীকৈ ৰোগী ক’ৰ’ণামুক্ত হোৱাটোৱে জনসাধাৰণৰ মনলৈ সুখৰ বাৰ্তা কঢ়িয়াই আনিছে।