ৱায়নাদৰ বাবে ৩ ঘন্টা একেৰাহে ভাৰতনাট্যম নাচিলে ১৩ বছৰীয়া কিশোৰীয়ে : আৰ্জিত ধন গতাই দিলে মুখ্যমন্ত্ৰীক

নাম হৰিণী শ্ৰী। তামিলনাডুৰ এগৰাকী ১৩ বছৰীয়া নৃত্যশিল্পী। চৰ্চালৈ আহিছে কিশোৰী গৰাকীৰ নাম।

উল্লেখ্য যে যোৱা সপ্তাহৰ মঙলবাৰে কেৰালাৰ ৱায়নাড জিলাত সংঘটিত হৈছে ভয়ানক ভূমিস্খলনৰ ঘটনা। এই ভূমিস্খলনত প্ৰাণ হেৰুৱাইছে প্ৰাণ ৪০০ গৰাকী লোকে। গৃহহীন হৈ পৰিছে ১০ হাজাৰতকৈও অধিক লোক। এতিয়াও চলি আছে উদ্ধাৰ অভিযান।

ৱায়ানাডৰ এই ভূমিস্খলনত ক্ষতিগ্ৰস্ত হোৱা লোকসকললৈ ইতিমধ্যে বিভিন্ন লোকে সাহায্য আগবঢ়াইছে। শেহতীয়াকৈ কেইবাজনো অভিনেতাই ধন আগবঢ়াইছে মুখ্যমন্ত্ৰীৰ সাহায্য পুঁজিলৈ। লগতে কেৰালাৰ বাওঁপন্থী আৰু কংগ্ৰেছ বিধায়ক সকলে নিজৰ এমাহৰ দৰমহা ৱায়নাডৰ লোকসকলক সাহায্য প্ৰদানৰ বাবে আগবঢ়াইছে।

ইয়াৰ মাজতে পোহৰলৈ আহিছে তামিলনাডুৰ হৰিণী শ্ৰী নামৰ ১৩ বছৰীয়া কিশোৰীগৰাকীৰ কথা। ভূমিস্খলনত ক্ষতিগ্ৰস্ত হোৱা পৰিয়াল সমূহক সহায়ৰ বাবে আগবাঢ়ি আহিছে কিশোৰীগৰাকী। প্ৰায় ৩ ঘন্টা ভাৰতনাট্যম নৃত্য কৰি দৰ্শকৰ পৰা সংগ্ৰহ কৰা টকা কেৰালাৰ মুখ্যমন্ত্ৰীৰ হাতত গতাই দিছে হৰিণী শ্ৰীয়ে।

হৰিণীৰ এই প্ৰচেষ্টাক শলাগ জনাই ছ’চিয়েল মিডিয়াত বহু নেটিজেনে পোষ্ট কৰিছে।