সন্ধান ওলোৱা নাই অ’এনজিচিৰ অপহৃত তিনি কৰ্মচাৰীৰ, ৯ জনক আটক আৰক্ষীৰ

এতিয়াও সন্ধান ওলোৱা নাই অ’এনজিচিৰ অপহৃত তিনি কৰ্মচাৰীৰ।

অ’এনজিচিৰ তিনি কৰ্মচাৰী অপহৰণৰ ঘটনাত তৎপৰ হৈ পৰিছে অসম আৰক্ষী।

ঘটনাৰ তদন্তৰ দায়িত্ব হৈ অসম আৰক্ষীৰ উচ্চ পদস্থ বিষয়া জে পি সিঙে। অসম আৰক্ষীৰ শীৰ্ষ বিষয়াগৰাকীয়ে আজি ঘটনাস্থলী পৰিদৰ্শন কৰে বুলি জানিব পৰা গৈছে।

আনহাতে কালি নিশাৰে পৰা শিৱসাগৰৰ বিভিন্ন স্থানৰ পৰা ৯ জন লোকক সোধাপোচাৰ বাবে আটক কৰিছে।

ঘটনাৰ সন্দৰ্ভত শিৱসাগৰ আৰক্ষীয়ে শিৱসাগৰ সদৰ থানাত নিজাববীয়াকৈ গোচৰ ৰুজু কৰি তদন্ত অব্যাহত ৰাখিছে।

কালি নিশাৰে পৰা শিৱসাগৰৰ বিভিন্ন স্থানৰ পৰা ঘটনাৰ সৈতে যোগাসূত্ৰ থকাৰ সন্দেহত ৯ জন লোকক সোধাপোচাৰ বাবে আটক কৰিছে।

শিৱসাগৰ সদৰ থানাত ৰুজু কৰা ৪৯১/২০২১ নম্বৰৰ গোচৰত অভিযুক্ত প্ৰশান্ত দত্ত, ৰাজেন চুতীয়া, বংশী বৰগোঁহাই পুলুন বৰগোঁহাই, জিতেন গগৈ, বিমল লিকচন, মিন্টু ফুকন আৰু কিৰণ ফুকনক ভাৰতীয় দণ্ডবিধি আইনৰ ধাৰা ১২০বি/১২১/১২১এ/৩৮৭/৫১১/৩৪ অধীনত আটক কৰা হৈছে।

ইয়াৰোপৰি শিৱসাগৰ আৰক্ষীয়ে প্ৰাথমিক তদন্তৰ বাবে লাকুৱাৰ ৰিগটোত সুৰক্ষাৰ দায়িত্বত থকা তিনিজন নিৰাপত্তাৰক্ষী আৰু অপহৰণত জড়িত এম্বুলেঞ্চৰ চালকজনক জিম্মাত ৰখা বুলি জানিব পৰা গৈছে।