মহানগৰীৰ বশিষ্ঠত জাবৰৰ দমত উদ্ধাৰ ১৪ জাই সক্ৰিয় গুলী

বশিষ্ঠৰ ৰূপকোঁৱৰ পথত আজি জাবৰৰ মাজত পৰিত্যক্ত অৱস্থাত উদ্বাৰ হৈছে .৩২ পিষ্টলৰ সক্ৰিয় গুলী।

জানিব পৰা মতে উক্ত অঞ্চলটোৰে স্থানীয় মহিলা এগাৰাকীয়ে প্ৰাতঃভ্ৰমণ কৰিবলৈ আহি পুৱা প্ৰায় ৭ বজাত পৰিত্যক্ত গুলীখিনি দেখি বশিষ্ঠ আৰক্ষীক খবৰ দিয়ে।

ইয়াৰ পাছতে বশিষ্ঠ থানাৰ আৰক্ষীয়ে ঘটনাস্থলীত গৈ উপস্থিত হয় আৰু এনেদৰে পৰিত্যক্ত হৈ পৰি থকা সক্ৰিয় গুলীখিনি থানালৈ লৈ আনে।

বশিষ্ঠ আৰক্ষী থানাৰ ভাৰপ্ৰাপ্ত বিষয়াগৰাকীয়ে কোনো লাইচেন্স থকা লোকৰ পকেটৰ পৰা গুলীখিনি পৰি যোৱা বুলি সন্দহ প্ৰকাশ কৰে। কিন্তু ইমানখিনি গুলী এনেদৰে অসাৱধানবশত: পৰি যোৱাৰ কথাটো বিশ্বাসযোগ্য নহয় বুলি ব্যক্ত কৰিছে প্ৰত্যক্ষদৰ্শীসকলে।

সম্প্ৰতি বশিষ্ঠ আৰক্ষীয়ে এই ঘটনা সন্দৰ্ভত তদন্ত চলাই আছে বুলি নৰ্থ ইষ্ট নাওক জানিবলৈ দিয়ে থানাৰ ভাৰপ্ৰাপ্ত বিষয়াগৰাকীয়ে।