লকডাউনত ভাৰতীয় খাদ্য নিগমৰ গুডামত নষ্ট হৈ গৈছে ১৫৫০টন খাদ্য শস্য

লকডাউনৰ সময়ত ভাৰতীয় খাদ্য নিগমৰ গুডামত (এফ চি আই) ১৫৫০ টন খাদ্য শস্য নষ্ট হৈ গৈছে। যোৱা এপ্ৰিলৰ পৰা মে’ মাহৰ ভিতৰত এই পৰিমানৰ খাদ্য শস্য নষ্ট হোৱাৰ কথা জানিব পৰা গৈছে।

যিসময়ত প্ৰব্ৰজিত শ্ৰমিকসকলে খাদ্যৰ অভাৱত মৃত্যুক সাৱটি লবলগীয়া হৈছিল, তেনে সময়তে এফ চি আইৰ গুডামত এইদৰে নষ্ট হৈছিল খাদ্য শস্য।

উপভোক্তা মন্ত্ৰ্যালয়ৰ (কনজিউমাৰ এফেয়াৰ্ছ) তথ্য অনুসৰি মে’ মাহত ২৬টন আৰু জুন মাহত ১৪৫৩টন খাদ্য শস্য নষ্ট হৈছে।

সেইদৰে জুলাই আৰু আগষ্ট মাহত নষ্ট হোৱা খাদ্য শস্যৰ পৰিমান হৈছে ক্ৰমে ৪১ আৰু ৫১টন। অৱশ্যে প্ৰতিবেদনত এপ্ৰিল আৰু মে’ মাহৰ সময়ছোৱাত কোনো খাদ্য শস্য নষ্ট হোৱা নাই বুলি কোৱা হৈছে।

দেখা গৈছে যে আন সময়ৰ তুলনাত এফ চি আইৰ এপ্ৰিলৰ পৰা জুনৰ ভিতৰৰ সময়ছোৱাত সৰ্বাধিক খাদ্য সস্য নষ্ট হৈছে। উক্ত সময়ছোৱাত মুঠতে ১৫০০টন খাদ্য শস্য নষ্ট হৈছে।

খাদ্য মন্ত্ৰ্যালয়ৰ তথ্য অনুসৰি এফচিআইৰ গুডামত বৈজ্ঞানিকভাৱে খাদ্য শস্য মজুত কৰাৰ লগতে আৰু বিভিন্ন ধৰণৰ প্ৰিজাৰভেটিভ, কীটনাশক আদি প্ৰয়োগ কৰি নষ্ট নোহোৱাকৈ ৰখা হয়।

কিন্তু এই ব্যৱস্থাৰ পাছতো গুদামৰ মজুত ৰখা কিছু খাদ্য শস্য প্ৰাকৃতিক দুৰ্যোগ, পৰিবহনজনিত সমস্যা আদিকে ধৰি বিভিন্ন কাৰণত নষ্ট হৈ যায়।

সাধাৰণতে খাদ শস্য নষ্ট হোৱাৰ এনে ঘটনা পোহৰলৈ আহিছে এই বিষয়ত তদন্ত কৰাৰ লগতে সংশ্লিষ্ট বিষয়াৰ বিৰুদ্ধে ব্যৱস্থা গ্ৰহণ গ্ৰহণ কৰা হয়।

এনে ঘটনাৰ বাবেই ২০১৪-২০১৮ৰ সময়ছোৱাত ১২৫গৰাকী বিষয়াৰ বিৰুদ্ধে ব্যৱস্থা গ্ৰহণ কৰা হয়।