বিশ্বত ক’ৰ’নাৰ ফলত মৃত্যু ৩.৫১ লাখ লোকৰ, ৫৬.২৫ লাখ লোক আক্ৰান্ত

মহামাৰী ক’ৰ’না ভাইৰাছে সমগ্ৰ বিশ্বতে অব্যাহত ৰাখিছে সংহাৰ। ভাইৰাছবিধে এই পৰ্যন্ত ৩ লাখ ৫০ হাজাৰৰো অধিক লোকৰ প্ৰাণ কাঢ়ি নিছে আৰু ৫৬.২৫ লাখৰো অধিক লোক সংক্ৰমিত হৈছে।

আমেৰিকাৰ জন হপকিন্স য়ুনিভাৰ্চিটিয়ে জনোৱা অনুসৰি এতিয়ালৈ ক’ৰ’নাৰ ফলত বিশ্বজুৰি ৩৫১১৪৬ গৰাকী লোকৰ মৃত্যু হোৱাৰ বিপৰীতে ৫৬২৫৫৮৮ গৰাকী লোক আক্ৰান্ত হৈছে।

ক’ৰ’না আক্ৰান্ত সংখ্যাৰ দিশৰ পৰা বিশ্বৰ ভিতৰতে এক নম্বৰ স্থানত আছে আমেৰিকা। দ্বিতীয় আৰু তৃতীয় স্থানত আছে ক্ৰমে ব্ৰাজিল আৰু ৰাছিয়া।

ইফালে মৃত্যুৰ দিশেৰে আমেৰিকা এক নম্বৰত, বৃটেইন দুই নম্বৰত আৰু ইটালী তিনি নম্বৰত।

আনহাতে ভাৰতত এই পৰ্যন্ত ১৫৩৩০৪ গৰাকী লোক আক্ৰান্ত হোৱাৰ বিপৰীতে ৪৪০৬ গৰাকী লোকৰ মৃত্যু হৈছে।

আমেৰিকাত এই পৰ্যন্ত ১৬৮১৭৩৯ গৰাকী লোক আক্ৰান্ত হৈছে আৰু মৃত্যু হৈছে ১ লাখৰো অধিক লোকৰ।

ব্ৰাজিলত ৩৯১২২২ গৰাকী লোক সংক্ৰমিত হোৱাৰ বিপৰীতে ২৪৫১২ গৰাকী লোকৰ মৃত্যু হৈছে।

ৰাছিয়াত ৩৭০৬৮০ গৰাকী লোক ক’ৰ’নাৰ কৱলত পৰাৰ বিপৰীতে মৃত্যু হৈছে ৩৯৬৮ গৰাকী লোক।

বৃটেইনত ২৬৬৬০২ গৰাকী লোক ক’ৰ’নাৰ কৱলত পৰাৰ বিপৰীতে মৃত্যু হৈছে ৩৭৫৪২ গৰাকী লোক।

ইটালীত এতিয়ালৈ ২৩০৫৫৫ গৰাকী লোক সংক্ৰমিত হোৱাৰ বিপৰীতে ৩২৯৫৫ গৰাকী লোকৰ মৃত্যু হৈছে।

উল্লেখ্য যে চীনৰ য়ুহান চহৰত উৎপত্তি হোৱা ক’ৰ’না ভাইৰাছৰ ফলত দেশখনত ৮৪১০৩ গৰাকী লোক আক্ৰান্ত হৈছে আৰু মৃত্যু হৈছে ৪৬৩৮ গৰাকী লোকৰ।