Jammu and Kashmir: অব্যাহত উগ্ৰপন্থী বিৰোধী অভিযান, লস্কৰ ই তৈবাৰ ৩ সন্ত্ৰাসবাদী এনকাউণ্টাৰত নিহত

Jammu and Kashmir: বিগত কিছুদিন ধৰি কাশ্মীৰৰ সাধাৰণ জনতাক হত্যা কৰি কাশ্মীৰক পুনৰ অশান্ত কৰি তোলা সন্ত্ৰাসবাদী সংগঠনৰ বিৰুদ্ধে অভিযান অব্যাহত ৰাখিছে ভাৰতীয় সেনাই।

সেনাৰ এনকাউণ্টাৰত আজি পুৱতি নিশা জম্মু-কাশ্মীৰৰ শ্বপিয়ান জিলাৰ তুলাৰণ গাঁৱত সন্ত্ৰাসবাদী সংগঠন লস্কৰ-ই-তৈবাৰ অন্তৰ্গত দ্য ৰেজিছটেঞ্চ ফ্ৰণ্ট(TRF)ৰ তিনিজন সন্ত্ৰাসবাদী নিহত হয়।

কাশ্মীৰ আৰক্ষীয়ে টুইটাৰ যোগে এই সফলতাৰ কথা সদৰী কৰিছে।

Also read : Indian Soldiers Martyred : জম্মু আৰু কাশ্মীৰত শ্বহীদ হ’ল ভাৰতীয় সেনাৰ ৫ গৰাকী বিষয়া-জোৱান

#ShopianEncounterUpdate: Out of 03 killed #terrorists, one terrorist has been identified as Mukhtar Shah of #Ganderbal, who shifted to #Shopian after killing one street hawker Virendra Paswan of Bihar: IGP Kashmir@JmuKmrPolice https://t.co/0vgygLxLpr

— Kashmir Zone Police (@KashmirPolice) October 11, 2021

কাশ্মীৰ আৰক্ষীৰ মতে নিহত সন্ত্ৰাসবাদী কেইজনৰ পৰা বহু অস্ত্ৰ-শস্ত্ৰ আৰু আপত্তিজনক সামগ্ৰী উদ্ধাৰ কৰা হৈছে।

ভাৰতীয় সেনা, কেন্দ্ৰীয় ৰিজাৰ্ভ আৰক্ষী বাহিনী (CRPF) আৰু জম্মু-কাশ্মীৰ আৰক্ষীৰ এটা যুটীয়া দলে হাতত লোৱা তালাচী অভিযান এতিয়াও চলি আছে।

Also read : Indian Soldiers Martyred : জম্মু আৰু কাশ্মীৰত শ্বহীদ হ’ল ভাৰতীয় সেনাৰ ৫ গৰাকী বিষয়া-জোৱান

নিহত তিনিজন সন্ত্ৰাসবাদীৰ ভিতৰত এজন সন্ত্ৰাসবাদীক গান্দেৰবালৰ মুখতাৰ শ্বাহ বুলি চিনাক্ত কৰা হৈছে। শ্বাহ বিহাৰৰ এজন হকাৰ বীৰেন্দ্ৰ পাছৱানক হত্যা কৰি শ্বপিয়ানলৈ পলাই আহিছিল বুলি উল্লেখ কৰিছে কাশ্মীৰৰ আইজিপি বিজয় কুমাৰে।

আন দুজন উগ্ৰপন্থীক ৰায় কাপ্ৰানৰ ডেনিছ আহমেদ আৰু পেহলিপোৰা শ্বপিয়ানৰ য়াৱাৰ আহমেদ বুলি চিনাক্ত কৰা হৈছে।