ৰাজ্যত অশান্ত সময়; ৩৩ তম গুৱাহাটী গ্ৰন্থমেলা পিছুৱালে
অসমৰ সাম্প্ৰতিক পৰিস্থিতিৰ প্ৰতি লক্ষ্য ৰাখি অসম প্ৰকাশন পৰিষদৰ উদ্যোগত অহা ২৮ ডিচেম্বৰ,২০১৯ৰ পৰা ৮ জানুৱাৰি,২০২০-তাৰিখলৈ অনুষ্ঠিত হ’বলগীয়া ৩৩ তম গুৱাহাটী গ্ৰন্থমেলা-২০১৯ পিছুৱাই দিয়া হৈছে।
উল্লেখযোগ্য যে, অসমৰ লগতে অসমৰ বাহিৰৰ শতাধিক প্ৰকাশন গোষ্ঠী আৰু বিক্ৰেতাই এই ঐতিহ্যমণ্ডিত গ্ৰন্থমেলাত অংশগ্ৰহণৰ বাবে আৱেদন কৰিছিল আৰু গ্ৰন্থমেলাৰ যাৱতীয় প্ৰস্তিতিও সমাপ্ত হৈছিল।
অসম প্ৰকাশন পৰিষদৰ তৰফৰ পৰা প্ৰকাশ পাব লগা নতুন আৰু পুনৰমুদ্ৰিত শতাধিক গ্ৰন্থও ইতিমধ্যে সাজু কৰি তোলা হৈছে।
সংবাদ মাধ্যমলৈ প্ৰেৰণ কৰা এটা বিবৃতিত প্ৰকাশন পৰিষদৰ সচিব প্ৰমোদ কলিতাই জানিবলৈ দিয়া মতে, গ্ৰন্থমেলাৰ পৰৱৰ্তী দিন যথাসময়ত ঘোষণা কৰা হ’ব।
উল্লেখযোগ্য যে, নাগৰিকত্ব সংশোধনী বিধেয়ক লোকসভা আৰু ৰাজ্যসভাত গৃহীত হোৱাৰ পাছৰে পৰা অসমত জনসাধাৰণে বিধেয়কখন (বৰ্তমান আইন)ৰ প্ৰবল বিৰোধিতা কৰি আহিছে।
অসমত CAA ৰ বিৰোধিতাৰে চলি থকা প্ৰতিবাদক দমণ কৰাৰ বাবে চৰকাৰে সমগ্ৰ অসমত ইণ্টাৰনেট সেৱা বন্ধ কৰি থৈছে।