ডিটেনচন চেণ্টাৰত ভয়াৱহ অগ্নিকাণ্ড: ৩৯ গৰাকী প্ৰব্ৰজনকাৰীৰ মৃত্যু
ভয়াৱহ অগ্নিকাণ্ডই মৃত্যুৰ কিৰিলি তুলিছে আমেৰিকান সীমান্তৰ এক মেক্সিকান প্ৰব্ৰজনকাৰীৰ ডিটেনচন চেণ্টাৰত। এই ভয়াৱহ অগ্নিকাণ্ডত শিবিৰটোৰ ৩৯ গৰাকী লোকৰ মৃত্যু হোৱা বুলি স্থানীয় কৰ্তৃপক্ষই নিশ্চিত কৰিছে।
মেক্সিকোৰ চিউডাড জুৱাৰেজ চহৰত থকা নেচনেল মাইগ্ৰেচন ইনষ্টিটিউট, চমুকৈ NMI ত সংঘটিত হৈছে এই অগ্নিকাণ্ড। এই কেন্দ্ৰত মধ্য আৰু দক্ষিণ আমেৰিকাৰ ৬৮ গৰাকী ব্যক্তি থকা বুলি জানিব পৰা গৈছে।
অগ্নিকাণ্ডৰ ফলত শিবিৰত থকা ৩৯ গৰাকী প্ৰব্ৰজনকাৰীৰ মৃত্যু হোৱাৰ বিপৰীতে ২৯ গৰাকী লোক আহত হৈছে বুলি কৰ্তৃপক্ষই প্ৰকাশ কৰিছে।
ইফালে, ৰাষ্ট্ৰপতি আন্দ্ৰেছ মেনুৱেল লোপেজ অব্ৰাডৰে জানিবলৈ দিয়া মতে প্ৰব্ৰজনকাৰীসকলক শিবিৰৰ পৰা বিতাড়িত কৰা হ’ব বুলি জানিব পৰাৰ পিছতে তেওঁলোকে বিক্ষোভ প্ৰদৰ্শন কৰে আৰু জুই লগাই দিয়ে।
এই প্ৰতিবাদী কাৰ্যকলাপে মুহূৰ্ততে তেওঁলোকৰ বাবে হৈ পৰে মৃত্যুদূত স্বৰূপ। জুইৰ লেলিহান শিখাই শিবিৰটো আগুৰি ধৰাৰ পিছতে এই ট্ৰেজিক ঘটনা সংঘটিত হয়।
ঘটনাৰ পিছতে আৰক্ষী আৰু উদ্ধাৰকাৰী দল ঘটনাস্থলীত উপস্থিত হয় আৰু মৃতদেহসমূহৰ লগতে শিবিৰত জীৱিত অৱস্থাত থকা আনসকল প্ৰব্ৰজনকাৰীক উদ্ধাৰ কৰে।
You may also like
ৰাঁচী টেষ্টতো পৰাজিত চাহাবৰ দল ইংলেণ্ড; যুৱ শক্তিৰ পৰাক্ৰমেৰে ছিৰিজ দখল টীম ইণ্ডিয়াৰ
যোৱা ১০ বছৰত টীম ইণ্ডিয়াই কৰিব নোৱাৰা কামটো সোমবাৰে পুৱা ৰোহিত শৰ্মা বাহিনীয়ে কৰিলে। হাতত এখন টেষ্ট বাকী থকা অৱস্থাতে ৰাঁচীত ইংলেণ্ডৰ…
প্ৰধানমন্ত্ৰী মোদী ভগৱান ৰামৰ অংশ! মোদী বন্দনাত মুখৰ ‘সৈনিক’ কংগনা
দীৰ্ঘসময় ধৰি ৰাজনৈতিক বিষয়ত মন্তব্য প্ৰকাশ কৰি ৰাজনীতিত প্ৰৱেশৰ ইংগিত দি থকা বলীউডৰ অভিনেত্ৰী কংগনা ৰাণাৱটে অৱশেষত চৰ্চা চলি থকাৰ দৰেই প্ৰৱেশ…
ত্ৰিপুৰাৰ বাওঁমৰ্চা চৰকাৰৰ বিৰুদ্ধে বিজেপিৰ ‘অভিযোগনামা’ প্ৰকাশ
আসন্ন নিৰ্বাচনৰ প্ৰচাৰৰ অংশ হিচাপে বিজেপি দলে ত্ৰিপুৰাত তেওঁলোকৰ নিৰ্বাচনী যুদ্ধ জোৰদাৰ কৰি তুলিছে। মেঘালয়ৰ পিছত এইবাৰ বিজেপিয়ে ত্ৰিপুৰাৰ শাসনাধিষ্ঠিত বাওঁমৰ্চা চৰকাৰৰ…
কিদৰে পেন কাৰ্ডৰ সৈতে আধাৰ সংযোগ কৰিব? ৩০ ছেপ্তেম্বৰ শেষ সীমা
অহা ৩০ ছেপ্তেম্বৰক পেনৰ সৈতে আধাৰ সংযোগৰ অন্তিম দিনৰূপে ধাৰ্য্য কৰা হৈছে। এই সময়সীমাৰ ভিতৰত আধাৰৰ সৈতে সংযোগ নকৰা পেন কাৰ্ডসমূহ ‘অবৈধ’…