অসমত আৰু ১১ ক’ভিড মুক্ত, মুঠ আৰোগ্য ৫০৯

আৰু ১১গৰাকী ব্যক্তি শুকুৰবাৰে অসমত ক’ভিড-১৯ মুক্ত হৈছে।

বৰপেটাৰ ফকৰুদ্দিন আলি আহমদ চিকিৎসা মহাবিদ্যালয় আৰু চিকিৎসালয়ৰ পৰা তেওঁলোক মুকলি কৰি দিয়া হৈছে।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰি কয় যে তেওঁলোকৰ নমুনা দুবাৰকৈ নিগেটিভ অহাৰ পিছত তেওঁলোকক যাবলৈ দিয়া হয়।

এওঁলোককে ধৰি শুকুৰবাৰৰ দিনটোত মুঠ ৫০গৰাকী ব্যক্তি আৰোগ্য হৈছে আৰু তেওঁলোকক চিকিৎসালয়ৰ পৰা যাবলৈ দিয়া হৈছে।

অসমত বৰ্তমানলৈকে ক’ভিড-১৯ৰ পৰা আৰোগ্য হৈ উঠা ব্যক্তিৰ সংখ্যা হৈছে ৫০৯গৰাকী।

এইসকল ব্যক্তি আৰোগ্য হৈ উঠাৰ পিছত অসমত সক্ৰিয় ক’ভিড ৰোগী হৈছেগৈ ১৬৩৭গৰাকী।

? Discharge Alert

Glad to share that 1⃣1⃣ more patients have been discharged today from FAAMCH after they tested negative for #COVID19 twice.

?Total Discharged Patients – 509
?Active Patients – 1637

Update 10:00 PM / June 5 / Today’s total discharge 50#AssamCovidCount pic.twitter.com/YbaxMa3Iae

— Himanta Biswa Sarma (@himantabiswa) June 5, 2020

শুকুৰবাৰৰ দিনটোতে ইয়াৰ পূৰ্বে ৩৯গৰাকী ব্যক্তিক ক’ভিড-১৯ নিগেটিভ পোৱাৰ পিছত চিকিৎসালয়ৰ পৰা যাবলৈ দিয়া হৈছিল।

সেইসকলৰ মাজত আছিল মহেন্দ্ৰ মোহন চৌধুৰী হস্পিতালৰ পৰা ১৩, তেজপুৰ মেডিকেল কলেজৰ ১১, যোৰহাট মেডিকেল কলেজৰ পাঁচ, অসম মেডিকেল কলেজৰ তিনি আৰু শিলচৰ মেডিকেল কলেজৰ এগৰাকী ব্যক্তি।