ভূত আছে বুলি বিশ্বাস কৰা ভাৰতৰ ছটা ৰেল ষ্টেচন!

ভাৰতত ছটা এনেকুৱা ৰেল ষ্টেচন আছে য’ত ভূত থকা বুলি জনবিশ্বাস আছে।

ভূতৰ ভয়ক অবৈজ্ঞানিক বুলি ক’লেও মানুহে সেই ষ্টেচনকেইটাত ভূত থকা বুলি বিশ্বাস কৰি আহিছে।

এম জি ৰ’ড মেট্ৰ’ ষ্টেচন, গুৰুগ্ৰাম—

এম জি ৰ’ড মেট্ৰ’ ষ্টেচনটোৰ এক অংশত মানুহে অদ্ভূত চালচলনৰ শব্দ শুনে। বহুতেই বোলে সেই অভিজ্ঞতা লাভ কৰিছে।

লুধিয়ানা ৰেল ষ্টেচন–

লুধিয়ানা ৰেল ষ্টেচনত থকা এটা কাউণ্টাৰত বোলে সুভাষ নামৰ এজন লোকৰ বহি থকা অৱস্থাতে মৃত্যু হৈছিল। তেতিয়াৰে পৰা সেই কাউণ্টাৰটোত অদ্ভূত চালচলনৰ শব্দ হৈ থাকে।

নাইনি ৰেল ষ্টেচন, উত্তৰ প্ৰদেশ–

নাইনি ষ্টেচনত স্বাধীনতা আন্দোলনৰ সময়ত বহুলোকে প্ৰাণ হেৰুৱাইছিল। তাৰ ফলতে বহু লোকে তাত বোলে বিভিন্ন ধৰণৰ চিঞৰ শুনি থাকে।

চিতুৰ ৰেল ষ্টেচন—

অন্ধ্ৰ প্ৰদেশৰ চিতুৰত এজন চি আৰ পি এফ জোৱানৰ মৃত্যু হৈছিল। বহুলোকে বিশ্বাস কৰে যে এতিয়াও তাত চি আৰ পি এফ জোৱানজনৰ আত্মা ঘূৰি ফুৰে।

বাৰ’গ ৰেল ষ্টেচন—

হিমাচল প্ৰদেশৰ এই ষ্টেচনটো নিৰ্মাণ কৰা ব্ৰিটিছ বিষয়া বাৰ’গৰ তাতে মৃত্যু হৈছিল। বহুতে বিশ্বাস কৰে যে ষ্টেচনটোৰ ৩৩নং সুৰংগত এতিয়াও তেওঁৰ আত্মা বাস কৰে।

বেগুনকদৰ ৰেল ষ্টেচন, পশ্চিম বংগ–

ভূতৰ বাবে বহু বছৰ ধৰি পশ্চিম বংগৰ এই ষ্টেচনটো বন্ধ হৈ আছিল। এই ষ্টেচনটোত বোলে বহুবাৰ মহিলা এগৰাকীৰ ছাঁ দেখা গৈছিল।

২০০৯ চনত ষ্টেচনটো পুনৰ মুকলি কৰা হয় যদিও স্থানীয় লোকসকলে ষ্টেচনটো এতিয়াও এৰাই চলে।