বিদ্ৰোহী সংগঠনৰ আক্ৰমণত নিহত ৬০ জন সেনা জোৱান
ম্যানমাৰৰ সংবাদ মাধ্যম ইৰাৱাডী নিউজে সোমবাৰে প্ৰকাশ কৰা অনুসৰি ছাগাইং, মাগৱে, বাগো অঞ্চল, শ্বান, কায়াহ আৰু চীন ৰাজ্যত বিদ্ৰোহীৰ আক্ৰমণত প্ৰাণ গৈছে বহুকেইজন সেনা-জোৱান আৰু বিষয়াৰ।
শুকুৰবাৰে উত্তৰ শ্বান ৰাজ্যৰ চেনি টাউনশ্বিপত ম্যানমাৰ নেশ্যনেল ডেম’ক্ৰেটিক এলায়েন্স আৰ্মীৰ সৈতে হোৱা তীব্ৰ সংঘৰ্ষত জুন্টাৰ ৩০ জন সদস্য নিহত হয়।
সংঘৰ্ষৰ সময়ত জোৱানসকলে বহু সংখ্যক অস্ত্ৰ-শস্ত্ৰ, গুলী আৰু সামৰিক সামগ্ৰী এৰি পলায়ন কৰে। সকলো সামগ্ৰী জব্দ কৰে ম্যানমাৰ সেনাই।
ইয়াৰ উপৰিও ছাগাইঙৰ সামৰিক চেকপইণ্টত বোমা বিস্ফোৰণত শাসক বাহিনীৰ ১০ জন সদস্য নিহত হয়।
শনিবাৰে ছাগাইং অঞ্চলৰ আয়াদাও চহৰত ড্ৰ’ন আক্ৰমণত নিহত হয় জন্টাৰ দুজন সদস্য। ইয়াৰ উপৰিও কেইবাজনো লোক আহত হয়। দেওবাৰে কায়াহ ৰাজ্যৰ ৰাজধানী লয়কাউত থকা সামৰিক বাহিনীৰ কায়াহ ৰিজিঅ’নেল কমাণ্ডৰ মুখ্য কাৰ্যালয়ত বিদ্ৰোহী সংগঠনে ড্ৰ’ন আক্ৰমণ চলায়। এই আক্ৰমণতো আহত হয় একাংশ জোৱান।
উল্লেখ্য যে ২০২১ চনৰ ফেব্ৰুৱাৰী মাহত সেনাই ম্যানমাৰৰ আউং ছান ছু কিৰ চৰকাৰখন উফৰাই ক্ষমতা দখল কৰে। যেতিয়া ইয়াৰ বিৰুদ্ধে ব্যাপক প্ৰতিবাদ আৰম্ভ হৈছিল, তেতিয়া জুন্টা চৰকাৰে হিংসাত্মক দমন নীতি গ্ৰহণ কৰিছিল।
এই পৰ্যন্ত এই আন্দোলনত কেইবা হাজাৰো প্ৰতিবাদকাৰীৰ মৃত্যু হৈছে। এই হিংসাৰ ফলত কেইবাটাও সশস্ত্ৰ গোট গোট খাই জনপ্ৰতিৰক্ষা বাহিনী (PDF) গঠন কৰিছিল। তেতিয়াৰ পৰাই জন্টা বাহিনীৰ সৈতে অব্যাহত আছে সংঘৰ্ষৰ।