জঘন্য : মৰিয়নীত চলন্ত ৰে’লৰ পৰা দলিয়াই দিয়া হ’ল ৭ বছৰীয়া শিশুক!

মৰিয়নীত সংঘটিত হৈছে এক ভয়ানক ঘটনা। অভিযোগ অনুসৰি চলন্ত ৰে’লৰ পৰা কোনো পাষাণ ব্যক্তিয়ে দলিয়াই দিলে এটি ৭ বছৰীয়া শিশুক।

মঙলবাৰে ৰেলপথৰ কাষত উদ্ধাৰ কৰা হৈছে আঘাতপ্ৰাপ্ত শিশুটিক।

খবৰ অনুসৰি শিশুটিয়ে মূৰত গুৰুতৰভাৱে আঘাত পাইছে। প্ৰত্যক্ষদৰ্শীয়ে উল্লেখ কৰা মতে শিশুটিক লামডিং – তিনিচুকীয়া ৰে’লৰ পৰা দলিয়াই দিয়া হৈছিল। কিন্তু চলি থকা ৰে’লৰ পৰা শিশুটিক কোনে দলিয়াই দিলে বা চলি থকা ৰে’লৰ পৰা শিশুটি কেনেকৈ উফৰি পৰিল সেয়া এতিয়ালৈকে স্পষ্ট হোৱা নাই।

শিশুটিক উদ্ধাৰ কৰাৰ পিছতেই চিকিৎসাৰ বাবে ওচৰৰ চিকিৎসালয়লৈ যোৱা হয় যদিও পৰৱৰ্তী সময়ত উন্নত চিকিৎসাৰ বাবে যোৰহাট চিকিৎসা মহাবিদ্যালয়লৈ প্ৰেৰণ কৰা হয়।

জানিব পৰা মতে, এতিয়ালৈকে শিশুটিৰ পৰিচয় লাভ কৰিবলৈ সক্ষম হোৱা নাই।

লগতে পঢ়কঃ ৰাছিয়াই উৰুৱাই দিলে ইউক্ৰেইনৰ বান্ধ, বানে বুৰাই পেলালে কেইবাখনো গাঁও