এবছৰত ৭০০ শতাংশ দৰমহা বৃদ্ধি! ‘অবাস্তৱ’ ঘটনাৰ ব্যাখ্যা আগবঢ়ালে দিল্লীৰ আইটি কৰ্মীয়ে

দৰমহা বৃদ্ধি! এজন কৰ্মচাৰীৰ বাবে ইয়াতকৈ ভাল খবৰ আৰু কি হ’ব পাৰে? কিন্তু কোনোবাই কেতিয়াবা ভাবিছেনে যে চাকৰি আৰম্ভ কৰাৰ এবছৰৰ ভিতৰত তেওঁলোকৰ দৰমহা ৭০০ শতাংশ বৃদ্ধি পাব পাৰে? অৱশ্যে সেয়া নহয়। কিন্তু এইবাৰ কিছু পৃথক হ’ল। এটা চাকৰি সলনি আৰু ৭০০ শতাংশ দৰমহা বৃদ্ধি! এই অসম্ভৱ কৃতিত্ব কেনেকৈ লাভ কৰিলে সেই কথা বুজাই দিলে এজন দিল্লীৰ টেকীয়ে।

মাত্ৰ এবছৰৰ আগতে দেবেশ নামৰ এজন যুৱকে আই বি এমত যোগদান কৰিছিল। এইটোৱেই আছিল তেওঁৰ প্ৰথম কাম। বছৰি ৫.৫ লাখ দৰমহাৰ পেকেজ আছিল। অৱশ্যে ছ’চিয়েল মিডিয়াত তেওঁ দাবী কৰিছিল যে মাত্ৰ এবছৰতে তেওঁ ৪৫ লাখ টকাৰ চাকৰিৰ প্ৰস্তাৱ লাভ কৰিছে! অৰ্থাৎ প্ৰায় ৭০০ শতাংশ দৰমহা বৃদ্ধি পাব। দেবেশে নিজেই কৈছে যে যিকোনো মধ্যবিত্ত পৰিয়ালৰ বাবে ই এক সপোনৰ দৰে। কিন্তু তাৰ লগত সেইটোৱেই হ’ল।

দেবেশৰ ছ’চিয়েল মিডিয়া পোষ্টে চাঞ্চল্যৰ সৃষ্টি কৰিছে। বহুতে জানিব বিচাৰে যে এইটো কেনেকৈ সম্ভৱ। সেই প্ৰসংগত আই টি কৰ্মীজনে ক’লে, “মই কোনো বিশেষজ্ঞ নহয়। কিন্তু মই ক’ব পাৰো যে প্ৰতিজন ব্যক্তিয়ে নিজৰ কেৰিয়াৰৰ আৰম্ভণিতে টকাৰ আগত কামক গুৰুত্ব দিব লাগে। যদি কম দৰমহা দিয়া অফিচত কাম কৰাটো ভাল, তেন্তে তাৰ পৰাই শিকিব লাগে। এইদৰে অনাগত দিনত ইমান নহ’লেও দৰমহা বৃদ্ধি পাব পাৰে।”

এই বিষয়টোক লৈ ইণ্টাৰনেট কাৰ্যতঃ বিভক্ত। সেই আই টি কৰ্মীসকলৰ একাংশই তেওঁৰ কঠোৰ পৰিশ্ৰম আৰু দৰমহা বৃদ্ধিৰ বাবে প্ৰশংসা কৰিছে। আৰু আনএকাংশই স্পষ্টকৈ দাবী কৰিছে যে এবছৰত এনে বৃদ্ধি হোৱাটো অসম্ভৱ। পৃথিৱীৰ ক’তো এনেকুৱা নহয়। দেবেশৰ দৰমহা হয়তো বাঢ়িল, কিন্তু ইমানো নহয়। তেখেতে মিছা মাতিছে।