৭৫ বছৰীয়া বৃদ্ধাক ধৰ্ষণ : পলাতক অভিযুক্ত যুৱক

কৰ্ণাটকৰ কালাবুৰ্গীত এগৰাকী ৭৫ বছৰীয়া মহিলাক ধৰ্ষণক কৰাৰ খবৰ পোহৰলৈ আহিছে।

যোৱা দেওবাৰে নিশা মহিলাগৰাকীৰ ঘৰত প্ৰৱেশ কৰি ধৰ্ষণ কৰাৰ অভিযোগ উত্থাপন হৈছে এজন যুৱকৰ বিৰুদ্ধে।

মঙলবাৰে কালাবুৰ্গী জিলা আৰক্ষীয়ে জনোৱা মতে, মহিলাগৰাকীৰ কেইবাখনো কৃষিভূমি আছে। কৃষকসকলে সেইবোৰত খেতি কৰে। অভিযুক্ত যুৱকজনো তাৰ ভিতৰত অন্যতম।

দেওবাৰে নিশা প্ৰায় দহ বজাত যুৱকজন মহিলাগৰাকীৰ ঘৰলৈ যায়। চিনাকি হোৱাৰ বাবে মহিলাগৰাকীয়ে যুৱকজনক ভিতৰত প্ৰৱেশ কৰিবিলৈ দিয়ে।

অভিযোগ অনুসৰি, ইয়াৰ পিছতে অভিযুক্তই তেওঁক আক্ৰমণ কৰে। তাৰপিছত মহিলাগৰাকীক ধৰ্ষণ কৰে।

পিছদিনা ৰাতিপুৱা বৃদ্ধাগৰাকী ওচৰ-চুবুৰীয়াৰ ওচৰলৈ যায়। স্থানীয় লোকে তেওঁক জিলা চিকিৎসালয়ত ভৰ্তি কৰে।

ইয়াৰ পিছতে বৃদ্ধাগৰাকীৰ অভিযোগৰ ভিত্তিত আৰক্ষীয়ে গোচৰ ৰুজু কৰে। ভাৰতীয় দণ্ডবিধিৰ ৬৪ ধাৰাত এজাহাৰ দাখিল কৰা হৈছে।

তদন্ত আৰম্ভ কৰা হৈছে যদিও অভিযুক্ত যুৱকজনক এতিয়াও বিচাৰি পোৱা নাই আৰক্ষীয়ে।