আঠ বছৰীয়া এজন শিশুৰ চমক ! গঢ়িলে ইতিহাস !

ভাৰতৰ এজন ৮ বছৰীয়া শিশুৱে ৰচনা কৰিলে এক নতুন ইতিহাস।

ইউৰোপৰ সৰ্বোচ্চ শৃংগ মাউন্ট এলব্ৰুচ আৰোহণ কৰি অভিলেখ গঢ়িছে গন্ধম ভূবন জয় নামৰ ৮ বছৰীয়া শিশুজনে।

অন্ধ্ৰ প্ৰদেশৰ কুৰ্ণল জিলাৰ ৮ বছৰীয়া শিশুজনে ১৮ ছেপ্টেম্বৰত মাউন্ট এলব্ৰুচ আৰোহণ কৰি এই শৃংগ আৰোহণ কৰা আটাইতকৈ কম বয়সীয়া ব্যক্তি হিচাপে স্বীকৃত হয়।

অৱশ্যে যোৱা ১৮ ছেপ্টেম্বৰতে ভূবন জয়ে এই সফলতা অৰ্জন কৰিছিল যদিও পলমকৈহে এই বিষয়ে চৰ্চালৈ আহে।

উল্লেখ্য যে মাউন্ট এলব্ৰুচ বিশ্বৰ শীৰ্ষ সাতটা শিখৰৰ অন্যতম হিচাপে পৰিগণিত।

ভূবন জয় বৰ্তমান তৃতীয় শ্ৰেণীত অধ্যয়নৰত। তেওঁৰ পিতৃ গন্ধম চন্দ্ৰুদু পেছাত এজন প্ৰশাসনিক বিষয়া।

ভূবনৰ সৈতে এই পৰ্বতাৰোহণত ভিজাগৰ আনমিষ বাৰ্মা আৰু অনন্তপুৰৰ কে শঙ্কৰাইয়াহ নামৰ দুজন পৰ্বতাৰোহীয়েও সফলতাৰে আৰোহণ কৰিছিল।