বিশ্বৰ আটাইতকৈ ধনী ক্ৰিকেটাৰ কোহলি; উপাৰ্জন আৰু সম্পত্তি জানি হ’ব আচৰিত

ক্ৰিকেটৰ বাবেই হওক বা অন্য কাৰণতেই হওক সংবাদ মাধ্যমৰ বাবে সদাই চৰ্চাৰ বিষয় ভাৰতীয় ক্ৰিকেট দলৰ অধিনায়ক বিৰাট কোহলি। বিশ্বৰ সবাটোকৈ ধনী ক্ৰিকেটাৰ কোহলিৰ মুঠ সম্পত্তিয়ে এতিয়া সকলোৰে দৃষ্টি কাঢ়িছে।

এটা সূত্ৰই প্ৰকাশ কৰা তথ্যৰ পৰা জানিব পৰা মতে, যোৱা বছৰ কোহলিয়ে ২৫২.৭২ কোটি টকা উপাৰ্জন কৰিছিল। বৰ্তমান তেওঁৰ মুঠ সম্পত্তি প্ৰায় ৯০০ কোটি হ’ব বুলি ধাৰণা কৰা হৈছে।

ক্ৰিকেটাৰ গৰাকীয়ে অধিকাংশ উপাৰ্জন বিজ্ঞাপন, ষ্টাৰ্টআপছ আদিৰ পৰাই কৰে।

কেই সপ্তাহমান পূৰ্বে ডিজিট নামৰ ইন্সুৰেন্স ষ্টাৰ্টআপ এটাত কোহলিয়ে বিনিয়োগ কৰা বুলি খবৰ ওলাইছিল। ইয়াৰ উপৰি ক্ৰিকেটাৰ গৰাকীয়ে ‘চিজেল’ৰ নামত কেইবাটাও জিম আৰু আন বহুতো ষ্টাৰ্টআপত বিনিয়োগ কৰিছে।

ইয়াৰ উপৰি কোহলিক ১৭ কোটি টকাৰে ৰিটেইন কৰিছে ৰয়েল চেলেঞ্জাৰ্ছ বেংগালুৰু দলে। আই পি এলত তেওঁৱেই সৰ্বাধিক মূল্যৰ ক্ৰিকেটাৰ। আনহাতে বি চি চি আইৰ পৰা বছৰেকত পাই ৭ কোটি টকা।

উল্লেখ্য যে কোহলিয়ে মিন্ট্ৰা, উবেৰ, অ’ডি, এম আৰ এফ, মান্যবৰ, টিছতৰ লগতে আন আন ব্ৰেণ্ড সমূহৰ পৰাই অধিকাংশ ধন উপাৰ্জন কৰে। তদুপৰি কোহলিৰ আছে দুখন নিজা ৰেষ্ট’ৰেণ্ট।

যোৱা বছৰৰ তুলনাত বিৰাট কোহলিৰ ব্ৰেণ্ড ভেল্যু ৩১ শতাংশ বৃদ্ধি পাইছে।

আনহাতে ৫১.৪ মিলিয়ন ফলোৱাৰ্ছ থকা ইনষ্টাগ্ৰামত এটা পোষ্টৰ বাবে ১.৩৫ কোটি আৰু এটা টুইটৰ বিনিময়ত ২.৩ কোটি টকা লয় বিৰাট কোহলিয়ে।