বাংলাদেশত ভয়ংকৰ পথ দুৰ্ঘটনাত ১৫জন লোকৰ মৃত্যু

বাংলাদেশত সংঘটিত এক ভয়ংকৰ পথ দুৰ্ঘটনাত ১৫জন লোক নিহত হোৱাৰ লগতে কেইবাজনো গুৰুতৰভাৱে আহত হয়। শনিবাৰে আবেলি বাংলাদেশৰ চিট্টাগং জিলাত সংঘটিত হয় উক্ত পথ দুৰ্ঘটনাটো।

জানিব পৰা মতে চিট্টাগং জিলাৰ চুণ্টি অঞ্চলত শনিবাৰে আবেলি এখন তীব্ৰ বেগী নিমখ ভৰ্তি ট্ৰাকে এখন যাত্ৰীবাহী গাড়ীত খুন্দা মৰাৰ ফলত উক্ত দুৰ্ঘটনাটো সংঘটিত হয়।

Dhaka Tribune –ত প্ৰকাশ পোৱা মতে গাড়ী দুখনৰ মাজত হোৱা মুখামুখি সংঘৰ্ষৰ ফলত ১২জন লোকৰ ঘটনাস্থলীতে মৃত্যু হোৱাৰ লগতে আন ৭ গৰাকী গুৰুতৰভাৱে আহত হয়। আহতসকলৰ ৩ গৰাকীৰ আজি হোৱাত নিহতৰ সংখ্য ১৫জনলৈ বৃদ্ধি পায়।

আঘাটপ্ৰাপ্ত আন ৪জন ব্যক্তি বৰ্তমান চিকিৎসালয়ত ভৰ্তি হৈ আছে। আনহাতে আৰক্ষীয়ে দুৰ্ঘটনা সংঘটিত কৰা ট্ৰাকখনক জব্দ কৰিবলৈ সক্ষম হয় যদিও চালকগৰাকীয়ে পলায়ন কৰে।