উত্তৰ-পূবত দ্বিতীয়জন কৰ’না আক্ৰান্ত মিজোৰামৰ ৫০ বছৰীয়া ব্যক্তি
উত্তৰ-পূবত দ্বিতীয়জন কৰ’নাত আক্ৰান্ত হোৱা ব্যক্তিৰ খবৰ আহি পৰিছে।
মিজোৰামৰ ৫০বছৰীয়া এজন লোক আক্ৰান্ত হৈছে এই মাৰাত্মক ভাইৰাছত।
লোকজনৰ দেহত COVID19 পজিটিভ ধৰা পৰিছে।
প্ৰথমতে মিজোৰামৰ পৰীক্ষাগাৰত পৰীক্ষা কৰি তাৰ পাছত দ্বিতীয় পৰীক্ষাৰ বাবে নমুনা প্ৰেৰণ কৰা হৈছিল GMCH লৈ।
ইয়াতো পজিটিভ ধৰা পৰা বুলি নৰ্থ ইষ্ট নাওৰ সাংবাদিকক জনায় GMCH ৰ অধীক্ষক ডঃ ৰমেন তালুদাৰে।
মিজোৰামত পৰীক্ষাগাৰত পজিটিভ ওলোৱাৰ পাছত নিশা প্ৰায় ১১ বজাত ব্যক্তিগৰাকীৰ নমুনা GMCH লৈ পঠোৱা হৈছিল।
দ্বিতীয়বাৰ GMCH ৰ ICMR ত পৰীক্ষা কৰাৰ পাছতো তেওঁৰ পজিটিভ পোৱা বুলি অধীক্ষক তালুকদাৰে কয়।
জানিব পৰা মতে কৰ’নাত আক্ৰান্ত লোকজনে শেহতীয়াভাৱে ভ্ৰমণ কৰিছিল বহুকেইখন দেশত।
লোকজনে কাটাৰ, আমষ্ট্ৰাডাম, ইস্তানবুল, দোহা ভ্ৰমণ কৰা বুলি জানিব পৰা গৈছে।
বৰ্তমানলৈকে অৱশ্যে কোনো চৰকাৰী তথ্য প্ৰকাশ পোৱা নাই।
উল্লেখযোগ্য যে,কালি মণিপুৰৰ পশ্চিম ইম্ফলৰ ২৩ বছৰীয়া যুৱতী এগৰাকীৰ শৰীৰত এই ভাইৰাছবিধ ধৰা পৰিছিল।
অলপতে তেওঁ ব্ৰিটেইনৰ পৰা আহিছিল বুলি জানিব পৰা গৈছে।
You may also like
শব্দৰ বিপৰীতে সংগীতে সহজে মনৰ ভাৱ প্ৰকাশ কৰাত সহায় কৰে : পাপন
বহু বছৰ ধৰি বলিউদত কণ্ঠ নিগৰাই অহা অসম সন্তান অংগৰাগ পাপন মহন্ত যথেষ্ট উৎসাহী হৈ আছে তেওঁৰ নতুন গান ‘আয়ে মেৰা জিন্দেগী’ৰ…
বিদায়ী মুখ্যমন্ত্ৰী সৰ্বানন্দ সোণোৱালৰ আৰু এক ত্যাগৰ নিদৰ্শন
জাতীয় নায়কৰ সন্মান শিৰত লৈয়েই কালি সৰ্বানন্দ সোণোৱালে হাঁহি মুখে এৰি দিলে তেওঁৰ মুখ্যমন্ত্ৰীৰ চকীখন। সচৰাচৰ বহু ক্ষেত্ৰত দেখা দিয়া বিসম্বাদৰ তিলমানো…
ৰাসায়নিক কাৰখানাত ভয়াবহ বিস্ফোৰণ; ১৭ জনৰ মৃত্যু, আহত কমেও ৪০ জন
অন্ধ্ৰ প্ৰদেশত সংঘটিত বিস্ফোৰণ কাণ্ডত মৃতকৰ সংখ্যা ক্ৰমে বৃদ্ধি পাইছে। বুধবাৰে অন্ধ্ৰ প্ৰদেশৰ আনকাপল্লীৰ এটা ৰাসায়নিক কাৰখানাত সংঘটিত বিস্ফোৰণত মৃত্যু হোৱা লোকৰ…
পুনেত অনুষ্ঠিত ৰাষ্ট্ৰীয় কুংফু চেম্পিয়নশ্বিপত সোণৰ পদক অৰ্জন অসমৰ ৰেজিতা দেউৰীৰ
ক্ৰীড়াৰ ক্ষেত্ৰ খনত শেহতীয়াকৈ অসমৰ বহু কেইগৰাকী প্ৰতিভাসম্পন্ন খেলুৱৈ পদক অৰ্জন কৰি ৰাজ্যলৈ সন্মান কঢ়িয়াই আনিবলৈ সক্ষম হৈছে। শেহতীয়াকৈ মহাৰাষ্ট্ৰৰ পুনেত ৰাষ্ট্ৰীয়…