ক’ৰ’নাতংক; এয়াৰ ইণ্ডিয়াৰ বিশেষ বিমানেৰে চীনৰ পৰা ভাৰতে আমদানি কৰিব চিকিৎসা সামগ্ৰী

দেশত ক’ৰ’না ভাইৰাছে নৰ সংহাৰ চলাই থকা পৰতে ভাৰতে চীনৰ পৰা ক’ৰ’না ভাইৰাছৰ চিকিৎসাৰ বাবে চীনৰ পৰা বিভিন্ন চিকিৎসা সামগ্ৰী আমদানি কৰিব।

ক’ৰ’না ভাইৰাছ নিয়ন্ত্ৰণৰ বাবে ভাৰতে অহা শুকুৰবাৰৰ পৰা চীনৰ বিভিন্ন সামগ্ৰী আমদানি কৰাৰ সিদ্ধান্ত গ্ৰহণ কৰিছে।

এই উপলক্ষ্যে অহা শুকুৰবাৰে দিল্লীৰ পৰা বেইজিং অভিমুখে এয়াৰ ইণ্ডিয়াৰ বিমানে যাত্ৰা কৰিব।

উল্লেখ্য যে ইতিমধ্যে দেশৰ বিভিন্ন প্ৰান্তলৈ ক’ৰ’না ভাইৰাছ নিয়ন্ত্ৰণৰ বাবে ঘৰুৱা বিমানেৰে চিকিৎসা সামগ্ৰীৰ প্ৰেৰণ কৰা হৈছে।

দিল্লীৰ পৰা মুম্বাই, হায়দৰাবাদ, বাংগালুৰু, কইম্বাতোৰ আৰু কলকতালৈ চিকিৎসা সামগ্ৰীসমূহ প্ৰেৰণ কৰাৰ পিছত তাৰ পৰাই দেশৰ অন্যান্য প্ৰান্তলৈ প্ৰেৰণ কৰাৰ দিহা কৰা হৈছে।

কলকতাৰ পৰাই গুৱাহাটী হৈ ডিব্ৰুগড়, আগৰতলা, আইজল, ইম্ফললৈ প্ৰেৰণৰ দিহা কৰিছে কেন্দ্ৰীয় চৰকাৰে।